1 Samuele 19:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Shaula wakatuma bantu ku nsubu wa Davidi bua kumutentekelabo ne bua kumushihabo dinda; Mîkala, mukashi wa Davidi, wakamuambila ne, Biwahidia kusungila muoyo webe butuku ebu, hatshiabu nebakushihe.

MUKANDA WA MYIDI MUKULU

¹¹ Shawule kutuma bantu bua balame nzubu wa Davide, bua kumushipa dinda. Kadi, Mikale, mukaji wa Davide, kuambila Davide ne: — Wewe kuyi munyeme butuku ebu, malaba badi bakushipa.

1 Samuele 19:11 ပူးပေါင်းရင်းမြစ်များ

2 Samuele 3:13

Davidi wakamba ne, Mbimpe, netuhunge nʼebe tshihungidi, kadi bualu bumue bûdi ne bua kuenza budi nunku: kuena mua kutangila mpala wanyi diambedi kuyi muanze kulua ne Mikala, muana mukashi wa Shaula; hashishe neumanye mua kuntangila.

Balombodi 16:2

Bakambila Bena Gaza ne, Shimishona wakulua munemu. Bakamunyunguluka, bakalala butuku buonso ku tshibi tshia ku musoko, bamuindile balamine; bakalala talalâ butuku buonso bamba ne, Tuanji kumuindila ne hatshiabu, netumushihe.

1 Samuele 19:20

Shaula wakatuma ba-messager bua kukuatabo Davidi; kadi hakatangilabo tshisumbu tshia baprofete bamba dî dia Nzambi ne Samuele muimane ku mutu kuabo, Nyuma wa Nzambi wakatulukila ba-messager ba Shaula, bobo bakamba dî dia Nzambi kabidi.

1 Samuele 20:31

Bualu bua batshidi muana wa Yishai ne muoyo ha buloba, wewe ne bukelenge buebe kabiena bijadikibue. Nunku utume bantu, balue nʼandi kundi, bualu bua yeye neafue biandi bulelela.