1 Samuele 17:51 - Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Hashishe Davidi wakambila lubilu, wakimana hamʼbidi ha Muena Peleshete, wakahatula muele wandi wa nvita mu luhuhu, wakamutaha, wakatula nʼau mutu wandi. Hakatangila Bena Peleshete ne, Tshilobo tshietu tshiakadia, bakanyema.

MUKANDA WA MYIDI MUKULU

⁵¹ Davide kuya lubilu muaba uvua Ngoliyate, kupatula muela wa Ngoliyate uvua mu tshibubu. Kumukosa mutu. Ke bena Peleshete bamone ne: Davide washipi tshilobu tshietu, kunyemabu lubilu.

1 Samuele 17:51 ပူးပေါင်းရင်းမြစ်များ

2 Samuele 23:21

Yeye wakashiha Muena Ejipitu, wakadi muena bukitu; Muena Ejipitu wakadi ne difuma mu tshianza tshiandi; kadi Benaya wakaya kudiye ne mulangala, wakanyenga difuma dia Muena Ejipitu mu tshianza tshiandi, wakamushiha ne difuma diandi mene.

2 Samuele 4:7

Hakabuelabo mu nsubu, yeye wakadi mulale tulu ha bulalu buandi mu nsubu wandi wa bulalu; bobo bakamutua muele, bakamushiha, bakamukosa mutu, bakaya nʼau; bakenda tô butuku bujima mu nshila wa ku Alabâ.

Estere 7:10

Nunku bakowa Hamana ku tshiowelu tshiakalongolueleye Môdekai. Hashishe tshiji tshia mukelenge tshiakalekela.

Ebrewu 11:34

bakajima bakole bua kahia, bakahanduka ku ditua dia muele wa nvita, mu butekete bakandamuka bakole, bakalua bakole mu nvita, bakihata bisumbu bia bena nvita ha bende.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

1 Samuele 17:50

Nunku Davidi wakalota Muena Peleshete bukole ku tshieledi ne dibue; wakataha Muena Peleshete, wakamushiha; kadi Davidi kakadi ne muele wa nvita mu tshianza tshiandi.

1 Samuele 21:10

Davidi wakajuka dituku adi, wakanyema bualu bua ditshina dia Shaula, wakaya kudi Akisha, mukelenge wa mu Gata.

1 Samuele 21:9

Muakuidi wakamuambila ne, Muele wa nvita wa Goleyata, Muena Peleshete, uwakashiha mu tshibanda tshia Ela, udiku, udi mujingila mu tshilulu ku nyima kua efoda; biwasua kuwangata, uwangate, bualu bua kakuena muele mukuabo kunoko. Davidi wakamba ne, Kakuena mukuabo bu au, ûmpe.

1 Samuele 31:9

Bakakosa Shaula mutu, bakayila bintu biandi bia nvita, bakabituma ku buloba bua Bena Peleshete buonso, bua kumanyishabo lumu elu mu nsubu ya mpingu yabo ne munkatshi mua bantu babo.