1 Samuele 17:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Davidi wakamba ne, Yehowa, nguakansungila ku dikama dia nyama wa ntambue ne dia nkashama, neansungile mu tshianza tshia Muena Peleshete eu. Shaula wakambila Davidi ne, Ya biebe, Yehowa ikale nʼebe.

MUKANDA WA MYIDI MUKULU

³⁷ Maweja-Nangila uvua mumpandishe ku nzadi ya nyama ya ntambue, ne ya nkashama, neampandishe kabidi ku bianza bia muena Peleshete ewu. Shawule kumuambila ne: — Ndaku, Maweja-Nangila ikale nebe.

1 Samuele 17:37 ပူးပေါင်းရင်းမြစ်များ

2 Samuele 10:12

Nuikale ne dikima; tuikale bu balume mene mene bualu bua bantu betu ne bua misoko ya Nzambi wetu; Yehowa enze biandi malu adi mimpe ku mesu kuandi.

1 Kulondolola 22:11

Katataka, muanʼanyi, Yehowa ikale nʼebe; wikale ne diakalengele, wibakile Yehowa, Nzambi webe, nsubu bu muakuambeye bualu buebe.

1 Kulondolola 22:16

ya or ne ya argent ne ya tshiamu tshia mitaku ne ya tshiamu tshifike, bidi kabiyi mua kubadibua. Juka, ubange mudimu eu; Yehowa ikale nʼebe.

Misambu 11:1

Ndi nyemena kudi Yehowa; munyi munudi nungambila ne, Unyeme bu nyunyu ku mukuna webe?

Misambu 118:6

Yehowa udi nʼanyi, tshiena ntshina nansha. Muntu udi mua kungenzela tshinyi?

Misambu 138:3

Mu dituku dinakukubikila, wewe wakitaba kundi, wakankolesha bikole mu muoyo wanyi.

Misambu 63:7

Bualu bua wakumana kuikala mukuatshishi wanyi, ne mu mundidimbi wa mahuahua ebe nengimbe misambu bua disanka dianyi.

Misambu 77:11

Nentele bienzedi bia Yehowa, bualu bua nenvuluke malu ebe a kukema awakenza kale.

Danyele 3:17

Biasua Nzambi wetu utudi tukuatshila mudimu kutusungila, yeye neatuhandishe ku tshikutu tshia kahia kakole ne mu tshianza tshiebe kabidi, mukelenge.

Yoshua 1:17

Netutumikile dî diebe bu mutuakatumikila mei onso a Mose; Yehowa, Nzambi webe, ikale nʼebe bu muakadiye ne Mose.

Rute 2:4

Boaza wakalua mufume ku Beteleheme, wakambila banowi ne Yehowa ikale nʼenu, bobo bakamukudimuna ne, Yehowa akusankishe.

1 Samuele 17:36

Muntu webe wakashiha nyama wa ntambue ne nkashama; ne Muena Peleshete eu udi kayi mutengula neikale nʼai diatshimue bualu bua yeye wakafuna bulobo ku mpala kua bena nvita ba Nzambi wa muoyo.

1 Samuele 17:38

Shaula wakaluatshisha Davidi bintu biandi bia mata, wakateka tshifulu tshia tshiamu tshia mitaku ku mutu kuandi, wakamuluatshisha tshikowelu tshia mata.

1 Samuele 20:13

Yehowa atambe kuenzela Yonatana bibi biamba tatu wanyi kukuenzela wewe bibi ne meme tshiyi nkuambila, tshiyi nkutuma ha bula bua wewe uye ne ditalala; Yehowa ikale nʼebe bu muakadiye ne tatu wanyi.

1 Samuele 24:19

Basangana mundi muena lukuna wandi, neumulekele aye, anyi? Nunku Yehowa akufute bimpe bua bualu buwakungenzela lelu.

1 Samuele 26:25

Hashishe Shaula wakambila Davidi ne, Wewe, muanʼanyi Davidi, usankishibue! wewe newenze malu manene, neutambe bulelela. Nunku Davidi wakaya mu nshila wandi, ne Shaula wakahingana ku muaba wandi.

1 Samuele 7:12

Hashishe, Samuele wakangata dibue, wakadimanyika hankatshi ha Misepa ne Shene, wakaditeka dina ne, Ebene-ezê, Wamba ne, Yehowa wakaluatshisha tô ne lelu.