1 Samuele 16:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku Shaula wakatuma ba-messager kudi Yishai, bamba ne, Untumine Davidi, muanʼebe, udi ulama mikoko.

MUKANDA WA MYIDI MUKULU

¹⁹ Shawule kutuma bantu bua bambile Ishayi ne: “Ntumina muanebe wa balume Davide, udi ulama mikoku.”

1 Samuele 16:19 ပူးပေါင်းရင်းမြစ်များ

1 Bakalenga 19:19

Wakumukaku, wakasangila ne Elisha, muana wa Shafata, wakadi wihila budimi ne bikokedi bia ngombe dikumi ne bibidi: yeye wakadi wenda ku tshikokedi tshia dikumi ne tshibidi; Eliya wakafika kudiye, wakela tshikowelu tshiandi hamʼbidi nʼandi.

Misambu 113:8

bua kumushikamisha munkatshi mua baminyampala, munkatshi mua bantu bandi baneme.

Amosa 1:1

Au mmei a Amosa, wakadi munkatshi mua balami ba mikoko ba ku Tekoa, akunvueye bualu bua Bena Isalele, mu matuku a Uziya, mukelenge wa Yuda, ne mu matuku a Yalobama, muana wa Yoasha, mukelenge wa Isalele, bidimu bibidi ku mpala kua kutaka kua buloba.

1 Samuele 16:11

Samuele wakakonka Yishai ne, Bana bebe bonso badiku, anyi? Yeye wakamba ne, Muanʼa mukala utshidi mushale; mona, yeye udi ulama mikoko. Samuele wakambila Yishai ne, Bamubikile, bualu bua katuena tushikama tô ne halueye kunoko.

1 Samuele 16:18

Hashishe umue wa bansongalume bandi wakamba ne, Mona, nakatangila muana wa balume wa Yishai, Muena Beteleheme, udi mumanye mua kuimba tshisanji bimpe, udi muntu wa bukitu, muena nvita mene, udi Wamba mei a lungenyi, udi ne mpala mulengele: Yehowa udi nʼandi kabidi.

1 Samuele 16:20

Yishai wakangata nyama wa mpunda, wakateka mampa ne mulondo wa nvinyo, ne muana wa mukoko ha nyima handi, wakatuma nʼabi Davidi, muanʼandi, kudi Shaula.

1 Samuele 17:15

Davidi wakadi Umuka kudi Shaula misangu mikuabo bua kudisheye mikoko ya tatu wandi mu Beteleheme.