1 Samuele 16:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mukelenge wetu ambile bena mudimu badi ku mpala kuandi ne, Nuye, nunkebele muntu udi mumanye mua kungimbila tshisanji bimpe: hashishe halua nyuma mubi mufume kudi Nzambi kudi, yeye neimbe tshisanji ne tshianza tshiandi ne wewe newikale bimpe.

MUKANDA WA MYIDI MUKULU

¹⁶ Nanku, tuma diyi, tuye kukukebela muntu udi mumanye mua kuimba lunkombe. Pikala mukishi mubi mukutulukile, muena lunkombe neakuimbile bua umvue bimpe.

1 Samuele 16:16 ပူးပေါင်းရင်းမြစ်များ

Genese 41:46

Yosefe wakadi ne bidimu makumi asatu hakimaneye ku mpala kua Palo, mukelenge wa Ejipitu. Yosefe wakumuka ku mpala kua Palô, wakendakana mu buloba bua Ejipitu buonso.

1 Bakalenga 10:8

Bantu aba ne bena mudimu bebe batu bimana ku mpala kuebe bua kunvua lungenyi luebe badi ne disanka.

2 Bakalenga 3:15

Kadi katataka ulue ne muimbi wa tshisanji kundi. Hakamuimbila muimbi wa tshisanji, tshianza tshia Yehowa tshiakalua kudiye.

1 Samuele 10:5

Hashishe bûdi nʼabu mbua kuya ku mukuna wa Nzambi, kudi masalayi a Bena Peleshete; hawafika ha buihi ne musoko, neusangile ne tshisumbu tshia baprofete bafume ku mutu kua mukuna badi ne lunzenze lua nshinga dikumi ne dizele ne lushiba ne tshisanji; bobo mene nebikale bamba dî dia Nzambi.

1 Samuele 16:14

Nyuma wa Yehowa wakumuka kudi Shaula ne nyuma mubi mufume kudi Yehowa wakamutatshisha.

1 Samuele 16:15

Bena mudimu ba Shaula bakamuambila ne, Tangila, nyuma mubi kudi Nzambi udi ukutatshisha.

1 Samuele 16:17

Shaula wakambila bena mudimu bandi ne, Nunkebele muntu udi mumanye mua kuimba bimpe, nulue nʼandi kundi.

1 Samuele 18:10

Hakatshiabu nyuma mubi mulume kudi Nzambi wakatulukila Shaula bikole, yeye wakalubakana mu nsubu muandi; Davidi watamba tshisanji ne tshianza tshiandi bu muakadiye wenza ku dituku ku dituku. Shaula wakadi ne difuma mu tshianza tshiandi.

1 Samuele 19:9

Nyuma mubi mutume kudi Yehowa wakadi kudi Shaula hakashikameye mu nsubu muandi ne difuma mu tshianza tshiandi; Davidi wakadi wimba tshisanji ne tshianza tshiandi.