1 Samuele 15:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Samuele wakambila Shaula ne, Tshiena mpingana nʼebe nansha, bualu bua wewe wakahidia dî dia Yehowa, ne Yehowa wakakuhidia bua wewe kuikala mukelenge ku mutu kua Bena Isalele.

MUKANDA WA MYIDI MUKULU

²⁶ Samuwele kuandamuna ne: — Nansha! Tshiena mua kuya nebe to. Bualu udi mubenge kutumikila mikenji ya Maweja-Nangila. Nanku Maweja-Nangila mmumane kukubenga. Kuakuikala kabidi mukalenga wa bena Izrayele to.

1 Samuele 15:26 ပူးပေါင်းရင်းမြစ်များ

Genese 42:38

Yakoba wakamba ne Muan anyi kena uya nʼenu, mukuluʼandi udi mufue ne anu yeye umuehele udi mushale, biamukuata bualu bubi mu nshila unuaya, hashishe, nenuvuishe nsuki yanyi mitoke to ne kanyinganyinga mu Muaba wa Bafue.

2 Samuele 12:9

Wewe wakalengulula dî dia Yehowa bua kuenza bualu ebu bubi ku mesu kuandi bua tshinyi? Wewe wakashiha Uliya, Muena Hiti, ku muele wa nvita, wakangata mukashi wandi bu mukashi webe, wakamushiha ku muele wa nvita wa bana ba Amona.

2 Samuele 7:15

luse luanyi lujalame kaluena lumuka kudiye, bu munakalûmusha kudi Shaula, unakumusha ku mpala kuebe.

Yirmeya 6:19

Wewe buloba, unvua biebe; nentumine bantu aba makenga, mmamuma adi meji abo akuama, bualu bua kabena batumikila mei anyi; bakahetula mikenji yanyi.

Osheya 13:11

Nakunuha mukelenge mu tshifikʼa munda tshianyi, nakumunyenga mu tshiji tshianyi tshikole.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Bienzedi 13:22

Hakamumusheye, wakabisha Davidi bua kuikaleye nfumu wabo, wakambeye ne, Nakusangana Davidi, muana wa Yishai, muntu udi mutshima wanyi musue, yeye nenze malu onso andi musue.

2 Yone 1:11

bualu bua udi umuela muoyo udi muabanyanganyi nʼandi wa midimu yandi mibi.

1 Samuele 13:14

Kadi katataka bukelenge buebe kabuena buikalaku; Yehowa wakamana kudikebela muntu udi mutshima wandi musue, Yehowa wakamana kumusungula mukelenge ku mutu kua bantu bandi bualu bua wewe kuakanemeka mukenji wakabambila Yehowa.

1 Samuele 15:23

Kutomboka kudi bualu bubi bu butempi bua mbuku ne tshitshu tshidi bu kutendelela kua mpingu ne manga a hatuhu. Bualu bua wewe wakahidia dî dia Yehowa yeye kabidi wakakuhidia bua wewe kuikala mukelenge.

1 Samuele 15:31

Nunku Samuele wakakudimuka bua kulonda Shaula; ne Shaula wakatendelela Yehowa.

1 Samuele 16:1

Yehowa wakambila Samuele ne, Wewe neudile muadi bua Shaula musangu bule munyi bualu bua meme nakamuhidia mu bukelenge bua Isalele? Ûshe lusengu luebe ne manyi tente, uye biebe, nenkutume kudi Yishai, Muena Beteleheme, bualu bua nakadisunguila mukelenge munkatshi mua bana bandi ba balume.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.

1 Samuele 28:18

Bualu bua wewe kuakatumikila dî dia Yehowa bua kushikisha tshiji tshiandi tshikole kudi Bena Amaleka; nunku Yehowa wakukuenzela bualu ebu lelu.