1 Samuele 15:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nakakudimuna mutshima bua nakasungula Shaula mukelenge, bualu bua yeye wakasesuka, kena undonda, kena utumikila mikenji yanyi. Samuele wakadi ne tshiji tshikole, wakadila kudi Yehowa butuku abu buonso.

MUKANDA WA MYIDI MUKULU

¹¹ — Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.

1 Samuele 15:11 ပူးပေါင်းရင်းမြစ်များ

Genese 6:6

Mutshima wa Yehowa wakanyingalala bualu bua yeye wakafuka bantu ha buloba, kanyinganyinga kakadi mu mutshima wandi.

Genese 6:7

Yehowa wakamba ne, Nenjimishe bantu banakafuka ha buloba, ne bantu ne nyama ne bintu bidi bidikoka hanshi ne nyunyu ya mulu, bualu bua mutshima wanyi udi munyingalale bua nakabifuka.

2 Samuele 24:16

Hakamba muanjelo kuolola tshianza tshiandi ku Yelushalema bua kubutula, Yehowa wakakudimuna dî diandi, wakambila muanjelo wakadi ushiha bantu ne, Bualu abu buakukumbana; katataka kandisha tshianza tshiebe. Muanjelo wa Yehowa wakadi hehi ne tshishihuidi tshia Alauna, Muena Yebuse.

1 Bakalenga 11:9

Yehowa wakadi ne Solomo tshiji, bualu bua mutshima wandi wakumuka kudi Yehowa, Nzambi wa Isalele, nguakamueneka kudiye misangu ibidi,

1 Kulondolola 10:13

Nunku Shaula wakafua bualu bua bubi buandi buakenzeleye Yehowa ne bua dî dia Yehowa diakahidieye; ne bualu bua yeye wakakeba lungenyi kudi muena buloshi,

1 Kulondolola 21:15

Nzambi wakatuma muanjelo ku Yelushalema bua kushiheye bantu bakadimu; ne hakambeye kushiha bantu, Yehowa wakamona, wakakudimuna mutshima wandi ku bualu ebu bubi; wakambila muanjelo wa lufu ne, Kuakushika, ukande tshianza tshiebe. Muanjelo wa Yehowa wakadi wimana ku tshihehuidi tshia Ônana, Muena Yebuse.

Yobe 34:27

bualu bua bakasesuka mu nshila, kabayi balonda Nzambi, kabakasua kuenda mu nshila yandi yonso.

Misambu 109:4

Nansha meme mubanange, badi bambanda hatuhu; kadi ndi mbalombela Nzambi.

Misambu 110:4

Yehowa wakuditshiha, kena ukudimuna mutshima wandi ne, Wewe udi muakuidi tshiendelele wa ku mulongo wa Melekisedeke.

Misambu 119:136

Mesu anyi adi ahatula binsonshi bu misulu ya mai; bualu bua bantu kabena batumikila mikenji yebe.

Misambu 125:5

Kadi badi basesuka bua kuya mu nshila mikonyangale, Yehowa neahumushe diatshimue ne benji ba maluʼmabi. Ditalala dikale kudi Bena Isalele!

Misambu 36:3

Mei a mukana muandi adi a kuenza malu a tshianana ne a kudinga; wakulekela kuikala muena meji ne mua kuenza malu mimpe.

Misambu 78:41

E, bakahingana ku nyima, bakatela Nzambi, bakatatshisha wa Tshijila wa Bena Isalele.

Misambu 78:57

Bakalukila tshianyima, bakamutungila tshitungu bu muakenza batatu babo, bakasesuisha a bu mudi buta budi ne buelafi.

Ekesode 32:11

Mose wakatendekena Yehowa, Nzambi wandi, wakamba ne, Yehowa, bualu kai tshiji tshiebe tshidi tshitambe bukole kudi bantu bebe bawakaluhula mu buloba bu Ejipitu ne bukole bunene ne tshianza tshia bukole?

Ekesode 32:14

Yehowa wakakudimuna mutshima wandi bua malu akeleye meji bua kuenzela bantu bandi.

Yirmeya 11:10

Bakahingana ku malu mabi akenza bankambua babo, mbakabenga kunvua mei anyi; bakulonda nzambi mikuabo bua kuyikuatshilabo mudimu. Bena Isalele ne Bena Yuda bakushiha tshihungidi tshinakuhunga ne bankambua babo.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 34:16

Kadi nuakukudimuka ne nuakuhetula dina dianyi, nuakudihingashila, muntu ne muntu, bahika banuakadi balekele, balume ne bakashi, ne nuakubabuesha mu buhika tshiakabidi bua kuikalabo bahika benu, balume ne bakashi.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Yirmeya 9:18

balue lukasa, batuashile madilu, bua binsonshi bia bungi bihatuke ku mesu, ne bua mai a bungi ahatuke muinshi mua bilafinyi bietu.

Yezekiyele 18:24

Kadi bialekela muntu buakane buandi ne bienzeye malu mabi ne bialondeye bienzedi bionso bia tshinyangu bidi muntu mubi wenza, yeye neikale ne muoyo, anyi? Kabena bavuluka bualu bumue bua mu malu makane akenzeye. Bua ditomboka diandi ne bua bubi budiye wenza, yeye neafue.

Amosa 7:3

Yehowa wakakudimuna mutshima wandi bua muanda eu; Yehowa wakamba ne, Kawena wenjibua nansha.

Yona 3:10

Nzambi wakamona bienzedi biabo, bu muakalekelabo nshila wabo mubi; ne Nzambi wakakudimuna mutshima wandi bua muanda mukole wakambeye diambedi ne, Nembenzele; yeye kakawenza nansha.

Yona 4:2

Wakatendelela biandi Yehowa, wakamba ne, Yehowa, ndi ukukonka ne, Tshiakamba dî edi hantshivua mu buloba buanyi, anyi? Bua muanda eu nakadianjila kunyemena ku Tâshishi; bualu bua nakamanya ne wewe udi Nzambi wa luse, mûle tente ne dinanga, kuyi ukuatshika tshiji lubilu, udi ulesha bantu luse lujalame lukumbane, udi ukudimuna mutshima webe bua dikenga kadikuatshi bantu.

Sefanya 1:6

Nengumushe kabidi badi balekela kulonda Yehowa ne badi kabayi bakeba Yehowa, kabayi bamulombe lungenyi luandi.

Matayi 24:13

Kadi wananukila tô ne kunshikidilu neasungidibue.

Matayi 5:44

kadi meme ndi nuambila ne, Suai badi nʼenu lukuna, lombelai badi banukengesha Nzambi;

Luke 6:12

Mu matuku â yeye wakaya ku mukuna bua kutendelela Nzambi; wakamutendelela tô butuku buonso.

Ebrewu 10:38

Kadi muakane wanyi neikale ne muoyo bua ditabusha; Ne blalukeye tshia nyima, muoyo wanyi kawena usanka mu bualu buandi.

Yoshua 22:16

Tshisumbu tshionso tshia bantu ba Yehowa tshidi tshianza ne, Bualu ebu bubi bunuakuenzela Nzambi wa Isalele budi munyi? Munyi munuakulekela kulonda Yehowa hanuakadiashila tshioshelu bua kutombokela Yehowa lelu?

1 Samuele 12:23

Bua bualu buanyi, tshiena ngitabusha bua kuenzela Yehowa bibi bua kulekela kunulombela Nzambi; kadi meme nennuleshe nshila muimpe ne muakane.

1 Samuele 13:13

Samuele wakambila Shaula ne, Wewe wakenza buhote: wewe kuakanemeka mukenji wa Yehowa, Nzambi webe, wakakuambileye; bu wewe muenze nunku, Yehowa wakadi kujadika bukelenge buebe mu Isalele tshiendelele.

1 Samuele 15:10

Hashishe dî dia Yehowa diakalua kudi Samuele ne,

1 Samuele 15:3

Katataka ya, ushihe Bena Amaleka, ubutule bionso bidibo nʼabi; kubafuidi luse; ubashihe ne balume ne bakashi ne bana bakese ba mu tshiadi ne ngombe yabo ne mikoko ne tumelo ne nyama ya mpunda.

1 Samuele 15:35

Samuele kakalua kutangila Shaula kabidi tô ne muakafueye; kadi Samuele wakadila muadi bualu bua Shaula; ne Yehowa wakakudimuna mutshima bualu bua yeye wakasungula Shaula mukelenge wa Bena Isalele.

1 Samuele 15:9

Kadi Shaula ne bantu bandi bakasungula Agaga ne mikoko ne ngombe ne biakadi ne manyi a bungi ne bana ba mikoko biakatamba buimpe, ne bintu bionso biakadi bimpe, bakahidia kubishiha; kadi bintu bionso bia tshianana, bakaushiha.

1 Samuele 16:1

Yehowa wakambila Samuele ne, Wewe neudile muadi bua Shaula musangu bule munyi bualu bua meme nakamuhidia mu bukelenge bua Isalele? Ûshe lusengu luebe ne manyi tente, uye biebe, nenkutume kudi Yishai, Muena Beteleheme, bualu bua nakadisunguila mukelenge munkatshi mua bana bandi ba balume.

1 Samuele 8:6

Bualu ebu kabuakasankisha mutshima wa Samuele hakambabo ne, Utusungile mukelenge wa kuikaleye utulumbuluila. Samuele wakatendelela Yehowa.