1 Samuele 14:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yonatana wakambila nsongalume, muambudi wa ngabu wandi, ne, Lua, tuye bietu kudi masalayi au adi kâyi matengula, biasua Yehowa kutukuatshisha; bualu bua kakuena mukandu kudi Yehowa bua kusungila bantu kudi ba bungi anyi kudi bakese.

MUKANDA WA MYIDI MUKULU

⁶ Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 14:6 ပူးပေါင်းရင်းမြစ်များ

2 Samuele 1:20

Kabambi bualu ebu mu Gata, lumu elu kalumanyibu mu misesu ya Ashekelona; bua bana bakashi ba Bena Peleshete kabasanki, bua bana bakashi ba bantu badi kabayi batengula kabatambi bukole.

2 Samuele 16:12

Biasua Yehowa, yeye udi mumanye mua kutangila bubi buakungenzeleye; Yehowa udi mumanye mua kungenzela bimpe bua bihendu biandi biakumpendeye nʼabi lelu.

2 Bakalenga 19:4

Biasua Yehowa, Nzambi webe, kunvua mei a Labashake, wakatuma mukelenge wa Ashû, mukelenge wandi, bua kubendeye nʼau Nzambi wa muoyo, neamubele bua mei akunvua Yehowa, Nzambi webe; nunku ulombele difuka dia bantu didi dishala Nzambi.

2 Kulondolola 14:10

Hashishe Asa wakaya kusangakena nʼandi, wakasa mualu wa nvita mu tshibanda tshia Sefata ku Malesha.

2 Kulondolola 14:11

Asa wakadila kudi Yehowa Nzambi wandi, wakamba ne, Yehowa, kakuena mukuabo bu wewe udi mua kukuatshisha badi ne bukole ne badi kabayi ne bukole; utukuatshishe, Yehowa Nzambi wetu; bualu bua tuetu tudi tukueyemena, tuakuluila mu dina diebe bua kuluangana ne tshisumbu etshi tshinene. Yehowa, wewe udi Nzambi wetu; kuitabushi bua bantu bakuhite bukole.

Misambu 135:6

Yehowa wakenza malu onso akasueye kuenza, mu diulu ne ha buloba, mu mai manene ne mu ndondo yonso.

Yirmeya 9:23

Yehowa udi wamba ne, Muena meji katumbidi mu meji andi, muena bukitu katumbidi mu bukole buandi, muntu mubanji katumbidi mu bubanji buandi;

Yirmeya 9:25

Yehowa udi wamba ne, Monai, matuku nealue hanakengesha badi batengudibue ne ditengula didi kadiyi dilelela:

Yirmeya 9:26

Ba mu Ejipitu, ba mu Yuda, ba mu Edome, ba mu Amona, ba mu Moaba ne bonso badi ne nsuki yabo mibeya biketu badi bashikame mu tshihela; bualu bua ba mu bisamba abi bionso kabena ne ditengula dilelela, ne Bena Isalele kabena batengudibue mu mitshima yabo.

Amosa 5:15

Kinai malu mabi, nangai malu mimpe, jadikai kulumbulula kuakane ku tshibuelelu tshia musoko. Bumue Yehowa, Nzambi wa misumba, nealeshe luse luandi kudi ba mu tshiota tshia Yosefe badi bashala ne muoyo.

Sefanya 2:3

Kebai Yehowa, nuenu bena kalolo bonso ba ha buloba, badi batumikila mikenji yandi; kebai buakane, kebai kalolo; bumue nebanusokoke mu dituku dia tshiji tshia Yehowa.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.

Dibadika 10:32

Biwaya biebe nʼetu, hashishe bikala Yehowa mutuenzele bimpe, tuetu netukuenzele bimpe.

Dibadika 31:4

Tshisamba ne tshisamba tô ne bisamba bionso bia Bena Isalele nebitume bantu tshinunu ku nvita.

Matayi 19:26

Yesu wakabajosha talalâ, wakabambila ne, Bantu kabena bamanye mua kuenza bualu ebu, kadi Nzambi udi mumanye mua kuenza malu onso.

Rome 8:31

Netuambe tshinyi bua malu â? Bikala Nzambi nʼetu, nganyi udi mumanye mua kutuhumbisha?

Dielulula 32:30

Muntu umue wakadi kumanya mua kuihata tshinunu tshia bantu, ne bantu babidi bakadi kumanya mua kuihata binunu dikumi bia bantu munyi, bikala Dibue kadiyi dibahane, ne Yehowa kayi mubafile kudibo?

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Yoshua 14:12

Katataka Umpe bianyi luseke elu lua ku mikuna, bu muakamba Yehowa dituku adi; bualu bua wewe wakunyua dituku adi bu muakadiku Bena Anaka, ne misoko minene ya ngumbu; bikala Yehowa nʼanyi, nembihate, bu muakamba Yehowa.

Balombodi 15:18

Yeye wakadi ne nyota mikole, wakabikila Yehowa, wakamba ne, Wewe wakafila luhandu elu lunene ku tshianza tshia muena mudimu webe, ne katataka nenfue bua nyota, nempone mu bianza bia bantu badi kabayi batengula.

1 Samuele 14:5

Dibue dikuabo diakadi ku node ku mpala kua Mikemasha, ne dinga dibue diakadi ku sude ku mpala kua Geba.

1 Samuele 14:7

Muambudi wa ngabu wandi wakamuambila ne, Enze biebe malu onso adi mu mutshima webe; tuye bietu, mona, ndi nʼebe anu bua kukuenzela bu mudi mutshima webe musue.

1 Samuele 17:26

Davidi wakakonka bantu bakadi bimana ha buihi nʼandi ne, Nebenzele muntu washiha Muena Peleshete eu ne wumusha bundu ku mesu kua Bena Isalele tshinyi? Muena Peleshete eu udi kayi mutengula, udi nganyi bua kufuneye bulobo ku mpala kua bena mata ba Nzambi wa muoyo?

1 Samuele 17:36

Muntu webe wakashiha nyama wa ntambue ne nkashama; ne Muena Peleshete eu udi kayi mutengula neikale nʼai diatshimue bualu bua yeye wakafuna bulobo ku mpala kua bena nvita ba Nzambi wa muoyo.

1 Samuele 17:46

Yehowa neakufile mu tshianza tshianyi lelu eu: nenkushihe, nenkutule mutu webe; nendishe nyunyu ya mulu ne nyama ya mu tshisuku bitalu bia bena nvita ba Bena Peleshete lelu; bantu bonso ba ha buloba nebamanye ne, Nzambi udi munkatshi mua Bena Isalele bulelela;

1 Samuele 17:47

ne bantu bonso ba mu tshisumbu etshi nebamanye ne, Yehowa kena Usungila bantu bua muele wa nvita ne bua difuma, bualu bua nvita idi mu bianza bia Yehowa, yeye nennufile mu bianza bietu.

1 Samuele 31:4

Hashishe Shaula wakambila mutuadi wa ngabu wandi ne, Utule muele webe wa nvita, untue, unsompoke, bua bantu aba badi kabayi batengula kabantu, kabansompodi, kabanfuishi bundu. Kadi mutuadi wa ngabu wandi wakahidia bualu bua yeye wakatamba kutshina. Nunku Shaula wakatula muele wandi wa nvita, wakadituaku.