1 Samuele 14:32 - Mukanda wa Nzambi Dihungila Dikulukulu ne Dihungila Dihia-dihia 2003

³² bakaya bua kuhaula bintu bia Bena Peleshete, bakakuata mikoko ne ngombe ne bana ba ngombe, bakaushiha, bakayidia ne mashi ai.

MUKANDA WA MYIDI MUKULU

³² Nanku kufuilakanabu bintu bivuabu bapawule: mikoku, ngombe ne bana ba ngombe. Kushipelabu nyama ayi anu muaba awu. Kudiabu munyinyi awu, mutshikale ne mashi.

1 Samuele 14:32 ပူးပေါင်းရင်းမြစ်များ

Genese 9:4

Kadi kanudi muoyo wa munyinyi wonso, mmashi mene mene.

Yezekiyele 33:25

Nunku wewe ubambile ne, Yehowa udi wamba ne, Nudi nudia munyinyi udi ne mashi ne nudi nutangisha mesu enu ku mpingu yenu, nudi numatshisha mashi a bakuabo hanshi; nenuhiane buloba ebu munyi?

Lewitiki 19:26

Kanudi tshintu ne mashi atshi, kanutempi mbuku, kanuenji bilengulengu.

Lewitiki 3:17

Bualu ebu nebuikale bu mukenji wa tshiendelele mu nsubu yenu yonso mu bikondo bienu bionso kanudi nansha dianyi nansha mashi.

Bienzedi 15:20

kadi tubafundile mukanda bua kutekelabo bintu bidi bibihisha kudi mpingu, ne bua kutekelabo masandi, ne nyama mifiekela mu nshingu ha kuishiha, ne mashi.

Bienzedi 15:29

nulekele bintu bidi bishihela mpingu, nulekele kabidi mashi ne nyama mifiekela mu nshingu ha kuishiha, ne masandi; binualekela malu â, nenuenze bimpe. Nushale ne bukole.

Dielulula 12:16

Kanudi mashi, kadi nuahongolole ha buloba bu mai.

1 Samuele 15:19

Nunku wewe kuakatumikila dî dia Yehowa bua tshinyi? Kadi wakahana bintu, Wakenza bualu bubi ku mesu kua Yehowa.