1 Samuele 13:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakatangila Bena Isalele ne didi munkatshi mua malu makole (bualu bua bantu bakadi ne ntatu), nunku bakasokoma mu mbuebue ne mu bisuku ne mu mabue ne mu miaba mikuabo ya kusokoma ne mu mena a mikela.

MUKANDA WA MYIDI MUKULU

⁶ Bena Izrayele bamone baluishi bamane kubafinakaja, kuyabu kusokoma ku mikuna mu biina, mu mikela, mu mbuebue, mu nyongolu ne mu milundu.

1 Samuele 13:6 ပူးပေါင်းရင်းမြစ်များ

2 Samuele 24:14

Davidi wakambila Gada ne, Ndi munkatshi mua malu manene: tuhone mu bianza bia Yehowa, bualu bua luse luandi ludi lunene; tshihonyi mu bianza bia bantu.

Yeshaya 42:22

Kadi aba mbantu badibo banyenga bintu biabo ne babahaula, buonso buabo badi bakuatshibue mu majimba, badi basokokibue mu nsubu ya lukanu; bakulua bu bintu bidi bakuabo banyenga ku bukole, kakuyi muntu wa kubahandisha; badi bu bintu bia kuhaudibua, kakuena muntu udi wamba ne, Ubahingashe kutudi.

Yirmeya 41:9

Dina adi diakadi Yishemaele welamu bitalu bia bantu bakashiheye, hehi ne tshitalu tshia Gedaliya, diakadi dina dinene dia mai diakumbulabo kudi Mukelenge Asa bua ditshina diandi dia Bâsha, mukelenge wa Isalele. Yishemaele, muana wa Netanya, wakadiûsha ne bitalu bia bantu bakashiheye.

Yezekiyele 33:27

Nunku ubambile ne, Mukelenge Yehowa udi wamba ne, Bu mundi meme ne muoyo, badi bashikame munkatshi mua bikulu abi nebashihibue ku muele wa nvita; nenfile badi bashala mu mpata kudi nyama bu bia kudia biai; badi mu miaha mikoleshibue ne mabue ne mu nyongolo nebafue ku tshihuhu.

Filipe 1:23

Kadi adi mujikila hankatshi ha malu â abidi: ndi njinga bua kumuka hanu bua kuikala ne Kilisto; bua bualu ebu budi butamba buimpe;

Ebrewu 11:38

(bakadi ba ha buloba kabai babakanyine) bendakana mu bihela ne mu mikuna ne mu nyongola ne mu mena a mu buloba.

Yoshua 8:20

Hakatangila Bena Ai ku nyima kuabo, monai, muishi wa musoko ubanda mulu; kabakadi ne bukole bua kunyema luseke elu anyi lukuabo; bakadi banyema ku tshihela bakakudimuna bakadi babalonda.

Balombodi 10:9

Bena Amona bakasabuka dishiya dia Yadene bua kuluanganabo ne Bena Yuda ne Bena Benyamina ne Bena Efelayima; Bena Isalele bakadi ne ntatu ya bungi.

Balombodi 20:41

Bena Isalele bakatshunguluka, ne Bena Benyamina bakatua mikemu, bakamanya ne, Bualu bubi buakutukuata.

Balombodi 6:2

Tshianza tshia Bena Midiyana tshiakahita Bena Isalele bukole; bualu bua Bena Midiyana, Bena Isalele bakadimbila mena mu mikuna ne mbuebue, bakadiashila ngumbu ya mabue.

1 Samuele 13:15

Samuele wakajuka ku Gilegala, wakaya ku Gibea wa mu buloba bua Benyamina. Shaula wakabala bantu bakashala nʼandi bakadi bu nkama isambombo.

1 Samuele 14:11

Bubidi buabo bakadimuenesha kudi masalayi a Bena Peleshete; Bena Peleshete bakambilangana ne, Monai, Bena Ebelu bakuhatuka mu mena akadibo badisokoke.

1 Samuele 14:22

Bena Isalele bakuabo bakadi busokoma ku mikuna ya Efelayima, hakunvuabo lumu ne Bena Peleshete bakanyema, bobo mene bakalonda mu nvita.

1 Samuele 23:19

Hashishe Bena Zifa bakaya kudi Shaula mu Gibea, bakamuambila ne, Davidi kena musokome nʼetu mu misoko ya ngumbu idi muitu ku mukuna wa Hakila udi ku Sude kua tshihela, anyi?

1 Samuele 24:3

Yeye Wakafika ku mpangu ya mikoko yakadi mu nshila: lubuebue luakadiku, Shaula wakabuelamu bua kubuikileye makasa andi. Davidi ne bantu bandi bakadi basokome mu luseke lukuabo lua lubuebue elu.

1 Samuele 31:7

Hakatangila Bena Isalele bakadi ku luseke lukuabo lua tshibanda ne bakadi dishiya dia musulu wa Yadene ne Bena Isalele bakuabo bakanyema ne Shaula ne bana bandi balume basatu bakafua, bobo kabidi bakumuka mu misoko yabo, bakanyema; hashishe Bena Peleshete bakabuela mu misoko yabo, bakashikamamu.

1 Samuele 7:7

Hakunvua Bena Peleshete ne Bena Isalele bakadisangisha mu Misepa, bakelenge ba Bena Peleshete bakaya kuluisha Bena Isalele. Hakunvua Bena Isalele lumu elu, bakatshina Bena Peleshete.