1 Samuele 13:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bena Peleshete bakadisangisha bua kuluanganabo nvita ne Bena Isalele, bungi bua bena makalu buakadi binunu makumi asatu, ne bua bakadi babanda ha nyima ha tubalu buakadi binunu bisambombo, ne bungi bua bantu bakadi benda hanshi buakadi bu nsenga ya ku muelelu wa mai manene; bakalua, bakasa tshitudilu tshiabo mu Mikemasha ku esete kua Bete-awena.

MUKANDA WA MYIDI MUKULU

⁵ Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 13:5 ပူးပေါင်းရင်းမြစ်များ

Genese 22:17

ne hanasankisha bakuabo nenkuyudíshile disanka, ne hanakumbasha bakuabo nenkumbashe tunkanunuma tuebe bu mitoto ya mu diulu ne bu nsenga ya kukala kua mai manene tunkanunuma tuebe netuhiane bibi bia bantu badi nʼatu lukuna,

2 Samuele 17:11

Nunku dî dindi nkuambila didi nunku ne, Usangishe Bena Isalele bonso ku Dana tô ne ku Bê-sheba, bungi buabo nebuikale bu nsenga ya ku muelelu wa mai manene; wewe nkayebe uye nʼabo mu nvita.

1 Bakalenga 20:27

Bena Isalele bakadisangisha, bakangata bia kudia, bakaya bua kuluanganabo nʼabo. Bena Isalele bakasa bitudilu biabo, bakadi bu bisumbu bia bana ba mikoko bibidi ku mpala kuabo; kadi Bena Sulia bakûsha buloba tente.

2 Kulondolola 1:9

Katataka, Yehowa Nzambi, witabushe bua mulayi webe kudi Davidi tatu wanyi ujadikibue; bualu bua wewe wakumpingisha mu bukelenge ku mutu kua bantu badi bungi bua dinfuenkenya dia buloba.

Yeshaya 10:28

Yeye wakulua ku Ayata, wakuhitshila mu Migelona; ku Mikemasha udi utula bihia bia luendu.

Yeshaya 48:19

Tunkanunuma tuebe tuakadi kuikala bu nsenga, ne bana badi bahatuka munda muebe bakadi kuikala bu tusoka tuai; dina diabo kadiakadi diumushibua anyi kushihibua ku mpala kuanyi.

Yirmeya 15:8

Bakashi babo ba mu lufuila badi bahita nsenga ya mu mai manene bungi; nakubishila bakashi baledi ba bansongalume mushihianganyi munda munya. Nakubatumina kanyinganyinga ne buowa lukasa.

Osheya 10:5

Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Osheya 4:15

Bena Isalele, nansha binualonda malu a masandi, Bena Yuda kabahishibu bua muanda eu nansha. Kanulu ku Gilegala, kanubandi ku Bete-awena, kanuditshihi nunku ne, Bu mudi Yehowa ne muoyo.

Osheya 5:8

Elai lusengu mu Gibea, ne mpungi mu Lama! Elai mbila ku Bete-awena; Bena Benyamina, tulonde ku nyima kuabo!

Rome 9:27

Yeshaya wakela dî dikole ne, Bikala bungi bua Bena Isalele bu nsenga ya kukala kua mai manene, difuka didi dishala nedisungidibue.

Yoshua 11:4

Bobo bakahatuka, bobo ne misumba yabo yonso ba bungi be bu nsenga ya kukala kua mai manene, ne tubalu ne makalu a bungi.

Yoshua 18:12

Mukalu wabo wa ku nôde wakadi ku Yadene: mukalu wakabanda ku nôde ku Yeleko, ne ku mikuna ya ku wesete; wakahatuka ku tshihela tshia Bete-awena.

Yoshua 7:2

Yoshua wakatuma bantu ku Ai bumuke ku Yeleko, udi hehi ne Bete-awena ku esete kua Betele, wakabambila ne, Yai bienu bua kutentekela buloba. Bantu aba bakaya, bakatentekela Ai.

Balombodi 7:12

Bena Midiyana ne Bena Amaleka ne bantu bonso ba ku esete bakadi balale mu tshibanda bu mikumbi bua bungi buaho. Kabakamanya mua kubala tumelo tuabo, bungi bualu buakadi bu nsenga ya ku muelelu wa mai manene.

1 Samuele 13:11

Samuele wakamba ne, Wewe wakuenza tshinyi? Shaula ne, Bualu bua nakatangila bantu babanga kummuangalala, ne wewe kuakulua mu dituku dituakasungula, ne Bena Peleshete hakamana kudisangisha ku Mikemasha;

1 Samuele 13:2

Shaula wakadisunguila Bena Isalele binunu bisatu: binunu bibidi biakadi ne Shaula mu Mikemasha ne ku mukuna wa Betele, ne tshinunu tshikuabo tshiakadi ne Yonatana mu Gibea wa mu buloba bua Benyamina; yeye wakatuma mundi ne mundi ku ntenta wandi wa mu bantu bakashala.

1 Samuele 14:23

Nunku Yehowa wakasungila Bena Isalele dituku adi; bakaluangana nʼabo tô ne ku Bete-awena.

1 Samuele 14:52

Shaula wakaluangana nvita mikole ne Bena Peleshete matuku andi onso; bakatangila Shaula muntu mukole anyi muntu wa bukitu, yeye wakamuangata bu muntu wandi.

1 Samuele 17:1

Bena Peleshete bakasangisha bena nvita babo bua kuluanganabo, bakadisangisha mu Soko, udi mu buloba bua Yuda: bakadi ne tshitudilu tshiabo hankatshi ha Soko ne Azeka mu Efese-damima.

1 Samuele 7:13

Nunku Bena Peleshete bakadi batambibue bukole, kabakahitshila ku mikalu ya Bena Isalele kabidi; tshianza tshia Yehowa tshiakaluisha Bena Peleshete matuku onso a Samuele.