1 Samuele 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Katataka monai, mukelenge udi wenda ku mpala kuenu, ne meme ndi muntu mununu, nsuki yanyi idi mitoke tô; bana banyi balume badi nʼenu; meme nakuenda ku mpala kuenu ku buana buanyi tô ne ku dituku edi.

MUKANDA WA MYIDI MUKULU

² Mpindiewu yeye neandombole. Meme ndi mumane kukola mukalakaje. — Bana banyi ba balume mbamane kukola, munudi amu. — Meme ndi munulombola biangatshile ku buana buanyi too ne mpindiewu.

1 Samuele 12:2 ပူးပေါင်းရင်းမြစ်များ

Misambu 71:18

Nzambi, kundekedi nansha, tô ne ku bununu buanyi ne hangikala ne nvi; kundekedi tô ne bangambila ba mu tshikondo tshialua bua tshianza tshiebe tshikole, ne hangambila badi bandonda ku nyima bua bukole buebe.

Dibadika 27:17

udi mumanye mua kuya ku mpala kuabo, udi mumanye mua kulua kudibo, udi mumanye mua kubalombola, udi mumanye mua kulua nʼabo mu buloba, bantu ba Yehowa kabikadi bu mikoko idi kayiyi ne mulami.

2 Timote 4:6

Bualu bila ntshidi mpongolodibua bu mulambu wa bia kunua, ne tshikondo tshia tshimuangi tshianyi tshiafiki.

Yoshua 23:1

Hakahita matuku a bungi, ne hakamana Yehowa kuha Bena Isalele dikisha kudi bena lukuna babo bonso bakadi babanyunguluka, ne hakalua Yoshua muntu mununu ne bidimu biandi biakakumbana,

Yoshua 23:2

Yoshua wakabikila Bena Isalele bonso ne bakulu babo ne bakadi ku mutu kua bisamba biabo ne balumbuluishi babo ne tuhita tuabo, wakabambila ne, Meme ndi muntu mununu, ne bidimu bianyi biakukumbana:

2 Petro 1:14

mumanye bianyi ne diumusha dia nsubu wanyi eu wa mubidi dilualua lubilu bu muakandesha Mukelenge wetu Yesu Kilisto.

1 Samuele 2:22

Eli wakalua muntu mununu; wakunyua lumu lua malu mabi a bana bandi ba balume akenzelabo Bena Isalele bonso, ne bu muakalalabo ne bakashi bakadi benza mudimu ku mbelu kua ntenta wa kusambakena.

1 Samuele 2:29

Nudi nudiata milambu yanyi ya kuosha ne bintu bidibo bafila kundi binakanuelela mikenji yanyi bua bualu buabi, ne udi utumbishe bana bebe ba balume ku mutu kuanyi bua kudidiundishabo ne bintu bidi bitamba bulengele bia milambu yonso ya bantu banyi Bena Isalele bualu kai?

1 Samuele 3:10

Yehowa wakalua, wakimana, wakabikila ne, Samuele, Samuele, bu muakenzeye bikondo bikuabo. Samuele wakamuitaba ne, Ambaku, bualu bua muntu webe udi munvue.

1 Samuele 3:13

Bualu bua nakamana kumuambila ne, Nendumbuluishe ba mu nsubu webe tshiendelele, bua malu mabi abo akadiye mumanye: bualu bua bana bandi balume bakadiela mulau, ne yeye kakabakanyina.

1 Samuele 3:16

Hashishe Eli wakabikila Samuele, wakamba ne, Samuele, muanʼanyi. Yeye wakamuitaba ne, Ndiku.

1 Samuele 8:1

Hakalua Samuele muntu mununu, yeye wakasungula Bena Isalele bana bandi ba balume bu balumbuluishi babo.

1 Samuele 8:20

bua tuetu tuikale bu bisamba bikuabo, ne bua mukelenge wetu ahumbulule, aye ku mpala kuetu, atuluile nvita yetu.

1 Samuele 8:3

Bana bandi ba balume kabakamulonda mu makasa andi, kadi bakasesuka bualu bua lukuka lua biuma, ne bakangata bintu bia mbueshilu, bakandamusha kulumbulula kuakane.

1 Samuele 8:5

bakamuambila ne, Tangila, wewe udi muntu mununu, ne bana bebe ba balume kabalu benda mu makasa ebe, nunku utusungile mukelenge wa kuikaleye utulumbulula bu mudi ba bisamba bionso benza.