1 Samuele 11:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakangata ngombe ibidi yakadi ku mutshi wa tshikokedi, wakayisaya munyinyi, wakayituma mu bianza bia miloho ei ku matshika onso a Isalele, Wamba ne, Yonso udi kayi ulonda Shaula ne Samuele, nebenzele ngombe yandi nunku. Ditshina dia Yehowa diakakuata bantu bonso, bakaluhuka diatshimue.

MUKANDA WA MYIDI MUKULU

⁷ Kusayaye ngombe ibidi ayi. Pashishe kutumaye bantu ne munyinyi wa ngombe awu mu ditunga dia bena Izrayele dijima, ubadimuja ne: — Mushindu utudi benza ngombe eyi, ke muenzelebu ngombe ya muntu yonsu udi ubenga mua kuya ku mvita ne Shawule ne Samuwele. Bena Izrayele bonsu kutshina, kudisangisha lukasa, benza anu bu muntu umue.

1 Samuele 11:7 ပူးပေါင်းရင်းမြစ်များ

Genese 35:5

Bakaya ku luendu luabo, ditshina dia Nzambi diakadi ku misoko yakadi ha buihi nʼabo, ne bena musoko kabakalonda bana ba balume ba Yakoba.

2 Kulondolola 14:14

Bobo bakahaula misoko yonso yakadi ha buihi ne Gela, bualu bua ditshina dia Yehowa diakabakuata. Bakahaula misoko ei yonso, bualu bua mu misoko ei muakadi bintu bia bungi.

2 Kulondolola 17:10

Ditshina dia Yehowa diakakuata bantu ba mu makelenge akadi ha buihi ne Bena Yuda, nunku bobo kabakaluangana nvita ne Yehoshafata.

2 Kulondolola 19:7

Nunku ditshina dia Yehowa dikale kunudi; nudimuke bimpe bu munudi nuenza bualu bua kakuena malu mabi kudi Yehowa Nzambi wetu, yeye kena ne kansungusungu, kena witabusha bintu bia mbueshilu kudi muntu.

Yeshaya 8:13

Kadi Yehowa wa misumba nyeye ûdi wewe ne bua kunemeka bu wa tshijila. Nyeye unudi ne bua kutshina ne bua kuikala ne buowa kudiye.

Balombodi 19:29

Hakabueleye mu nsubu muandi, yeye wakangata kele, wakakuata mukashi wandi muhika, wakamukosolola bituha dikumi ne bibidi, wakabituma ku nseke yonso ya Isalele.

Balombodi 20:1

Hashishe Bena Isalele bonso bakaluhuka bafume ku Dana tô ne ku Bê-sheba ne ba mu buloba bua Gilada, bakadisangisha bu muntu umue kudi Yehowa ku Misepa.