1 Samuele 10:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Muena muaba au wakabakonka ne, Tatu wabo udi nganyi? Nunku dî edi diakalua bu lusumuinu ne, Shaula udi munkatshi mua baprofete, anyi?

MUKANDA WA MYIDI MUKULU

¹² Muntu mukuabu wa ku bantu abu, kukonka kabidi ne: “Bambi bakuabu aba, mfumuabu nnganyi?” Ke kudi kufuma lusumuinu lua ne: “Kadi Shawule pende ukadi muambi anyi?”

1 Samuele 10:12 ပူးပေါင်းရင်းမြစ်များ

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Yowanane 6:45

Baprofete bakafunda ne, Nzambi neabayishe bonso. Muntu yonso wakunvua mei a Tatu, wakuayila, ulualua kundi.

Yowanane 7:16

Yesu wakabakudimuna dî ne, Diyisha dianyi kandianyi, ndia udi muntume.

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

1 Samuele 10:13

Hakashikisheye kuamba dî dia Nzambi, yeye wakabanda ku mukuna.

1 Samuele 19:23

Yeye wakaya ku Nayota hehi ne Lama; ne Nyuma wa Nzambi wakamutulukila kabidi, yeye wakenda wamba dî dia Nzambi tô ne hakafikeye ku Nayota hehi ne Lama.

1 Samuele 19:24

Yeye wakavula bilulu biandi bionso, wakamba dî dia Nzambi ku mesu kua Samuele, wakalala hanshi butaka munya mujima ne butuku bujima. Nunku bakakonkangana ne, Shaula kabidi udi munkatshi mua baprofete, anyi?