1 Samuele 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe, Elekana bayandi wakamukonka ne, Hana, udi udidila tshinyi? Kuena udia bua tshinyi? Mutshima webe udi unyingala bua tshinyi? Meme tshiena muhite bana ba balume dikumi kudi, anyi?

MUKANDA WA MYIDI MUKULU

⁸ bayende kumukonka ne: — Ane udi udila bua tshinyi? Udi unyingalala nunku bua tshinyi? Meme patudi nebe, tshiena mupite bana ba balume dikumi anyi?

1 Samuele 1:8 ပူးပေါင်းရင်းမြစ်များ

2 Bakalenga 8:12

Hazaele wakamuebesha ne, Mukelenge wanyi, udi udidila tshinyi? Yeye wakamuambila ne. Bualu bua ndi mumanye malu mabi audi muenzele Bena Isalele; wewe newoshe misoko yabo idi ne ngumbu ne kahia, wewe neushihe bansongalume babo ku miele ya nvita, wewe neukosolole bana babo bakese bituha bituha, neuhande bakashi babo badi ne mafu.

Yobe 6:14

Kudi muntu udi wamba kuhanga bidi bimpe bua mulunda wandi kumulesha luse, anyi bumue nealekele dishina dia Wa Bukole Buonso.

Misambu 43:4

Ka nenye ku tshioshelu tshia milambu tshia Nzambi, kudi Nzambi udi disanka dianyi dihite bunene. Nenkutumbishe ne lunkombe, Nzambi, Nzambi wanyi.

Yeshaya 54:1

Imba biebe, wewe mukashi wa nkumba, wewe udi kuyi mulele; bandisha mei ebe mu kuimba kua misambu, wela dî dikole, wewe udi kuyi muikale ne didinyenga dia ha kulela! Bualu bua Yehowa udi wamba ne, Bana ba mukashi udi mushale hatuhu badi bahita bana ba mukashi mubaka bungi.

Yeshaya 54:6

Bualu bua Yehowa wakumbikila bu mukashi mulekedibue ne munyingalashibue mu mutshima wandi, bu mukashi mubakibue mu bunsongakashi buandi hamuhidiabo.

Yowanane 20:13

Bakamukonka ne, Mukashi, udi udidila tshinyi? Yeye wakabambila ne, Bua bakuya ne Mukelenge wanyi, tshiena mumanye kuakumuladikabo.

Yowanane 20:15

Yesu wakamukonka ne, Mukashi, udi udidila tshinyi? Udi ukeba nganyi? Wakela meshi ne, Muena mudimu wa mu muaba au, wakamuambila ne, Mukelenge, biwikala mumumushe kunoko, ungambile kuwakumuladika, nemuangate.

1 Tesalonike 5:14

Bana betu, tudi tunusengelela ne, Nudimushe batshimbakanyi, nukoleshe badi ne mitshima yamba kuhanga, nukuatshishe badi batekete, nuikale ne lutulu kudi bantu bonso.

Rute 4:15

Yeye neikale kûdi bu musangalashi wa muoyo ne bu mudishi wa mu bununu buebe, bualu bua mamuen ebe, udi mukusue, udi muhite bana ba balume muanda mutekete buimpe kûdi, nguakamulela.

1 Samuele 1:7

Wakadi umuenzela nunku ku tshidimu ku tshidimu hakayeye ku nsubu wa Yehowa: wakamutatshisha nunku, yeye wakadi anu udila, kakadia biandi.