1 Samuele 1:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Elekana bayandi, wakamuambila ne, Wenze biebe budi buimpe ku mesu kuebe; ushale tô ne halekeleye mabele: Yehowa nkayandi ajadike dî diandi. Nunku mukashi wakashala, wakamusha muanʼandi mulume mabele tô ne hakalekeleye mabele.

MUKANDA WA MYIDI MUKULU

²³ Elkana kuandamuna ne: “Mbimpe muudi mumane kulongolola amu. Nanku ushale ne muana too ne palekelaye dibela. Maweja-Nangila nkayende akumbaje bualu buvuaye mumane kulaya.” Nanku Ane kushala mu Rama bua kuamusha muanende.

1 Samuele 1:23 ပူးပေါင်းရင်းမြစ်များ

2 Samuele 7:25

Nunku Yehowa Nzambi, dî diwakambila muntu webe bualu buandi ne bua tshiota tshiandi, udijadike tshiendelele; wenze bu muwakamba.

1 Bakalenga 3:21

Hanakabika dinda dionso bua kuamusha muana wanyi mabele, nakamumona mufue; kadi hanakamutangila bilengele dinda adi, yeye kakadi muana wanyi unakalela.

Misambu 22:9

Kadi wewe nyeye wakampatula mu difu dia mamu wanyi; wewe wakauyisha mukueyemenyi hanakadi mu tshiadi tshia mamu wanyi.

Yeshaya 44:26

Ndi yeye udi ujadika dî dia muntu wandi, udi ushikisha mei a miloho yandi. Ndi yeye udi wamba bua Yelushalema ne, Bantu nebashikamemu; udi wamba bua misoko ya Yuda ne, Neyibakibue kabidi, nengase nsubu tshiakabidi mu miaba idi bikulu.

Dibadika 30:12

Kadi bikala mulume wandi mumukande mu dituku diakunvueye, nunku kuditshiha kuandi ne mei andi onso kabiena bualame, mulume wandi wakavuisha malu au bu malu a hatuhu, Yehowa neamubiukidile bualu abu.

Matayi 24:19

Kadi dikenga dikole nedikale kudi badi ne mafu ne kudi badi bâmusha bana mabele mu matuku au.

Luke 11:27

Hakadiye wamba malu â, mukashi wa mu tshisumbu tshia bantu wakela dî diandi, wakamba ne, Difu diakukutuala didi ne disanka ne mabele awakuamua.

1 Samuele 1:17

Hashishe Eli wakamukudimuna ne, Ya biebe talalâ, Nzambi wa Isalele unvue biandi kulomba kuwakumulomba.

1 Samuele 14:36

Shaula wakamba ne, Tuyai, tulonde Bena Peleshete butuku ebu, tukuate bintu biabo tô ne hatshiabu: katubashidi nansha muntu wabo umue. Bakamba ne, Wenze tshionso tshidi tshimpe ku mesu kuebe. Hashishe muakuidi wakamba ne, Tusemenai ha buihi ne Nzambi.

1 Samuele 14:40

Hashishe yeye wakambila Bena Isalele ne, Nuenu nuikale ku luseke lumue, meme ne Yonatana, muanʼanyi mulume netuikale ku luseke lukuabo. Bantu bakambila Shaula ne, Wenze tshidi tshimpe ku mesu kuebe.