1 Korente 7:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Biela muntu meshi ne, Ndi ngenzela muanʼanyi mukashi utshidi kamama bibi; ne bikala mukashi muhite tshikondo tshiandi tshia dibaka, ne bikaleye ne bualu bua kuenza nunku, tatu enze bualu bu mudiye musue; yeye kena wenza bibi; babake biabo.

MUKANDA WA MYIDI MUKULU

³⁶ Tuyayi mu bualu bua badi babangilangana. Padi nsongalume ne dijinga dikole, umona ne: meme tshiyi musele nsongakaji awu, ndi mmuenzela bibi, mbimpe baselangane mudibu basue. Kabena benza bualu bubi to.

1 Korente 7:36 ပူးပေါင်းရင်းမြစ်များ

Yirmeya 29:6

Nubake bakashi, nulele nʼabo bana ba balume ne bana ba bakashi, nuangatshile bana benu balume bakashi, nufile bana benu ba bakashi ku mabaka, bua bobo balele bana ba balume ne bana ba bakashi; nuvulangane muaba au, kanukebi.

Matayi 1:18

Kuledibua kua Yesu Kilisto kuakadi nunku: Hakadi baba wandi Malia mubangila kudi Yosefe, diambedi kaba! banze kulua hohamue, bakamusangana muimitshisha difu kudi Nyuma Muimpe.

Matayi 5:40

Biasua muntu kuya nʼebe ku tshilumbu bua kuangateye nshemise webe, angate ne kazaku kabidi.

1 Korente 7:35

Ndi ngamba bualu ebu bua kunukuatshisha; kambualu bua kunuela buteyi, kadi anu bualu bua nuenu nuikale ne malu adi makanangane ne bena Kilisto, ne bua nuenu mimanye mua kukuatshila Mukelenge mudimu kanui ne ntatu.

1 Korente 7:37

Kadi muntu udi utantamana mu mutshima wandi, kai ne bualu budi bumuenzesha, kadi udi ne bukole bua kuenza bu mudiye musue, ne wakamana kudisunguila bualu ebu mu mutshima wandi bua kulama muanʼandi mukashi utshidi kamama, yeye nenze bimpe.

1 Korente 7:9

Kadi bikalabo kabai mua kudikanda, babake biabo, bualu bua kubaka kudi kutamba kusamina muoyo buimpe.

1 Samuele 2:33

Muntu undi tshiyi ngumusha ku tshioshelu tshianyi, neikale bua kukusunsuma mu mesu ebe ne bua kunyingalasha mutshima webe; ne bana bonso hadibo balela mu nsubu webe nebafue hatshidibo ne bukole.