1 Korente 7:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Kadi, bana betu, ndi nuambila ne, Musangu udi mukeha bua mu tshikondo tshilualua bantu badi ne bakashi bikale bu badi kabai ne bakashi;

MUKANDA WA MYIDI MUKULU

²⁹ Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

1 Korente 7:29 ပူးပေါင်းရင်းမြစ်များ

2 Samuele 19:34

Bâzilai wakebesha mukelenge ne, Matuku a muoyo wanyi adi bungi munyi bua meme kuya ne mukelenge ku Yelushalema?

Muambi 6:12

Nganyi udi mumanye malu adi makanyine muntu udi uhitshisha matuku makese a muoyo wandi wa hatuhu bu mundidimbi? Nganyi udi mua kuambila muntu malu alualua ku mpala kuandi muinshi mua diba?

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Yezekiyele 7:12

Tshikondo tshiakufika, dituku didi disemena ha buihi! Musumbi wa bintu kasanki biandi, muhanyi wa bintu kâshi madilu, bua tshiji tshikole tshidi tshihona hamʼbidi ha tshisumbu tshiabo tshionso.

Luke 14:20

Mukuabo wakamba ne, Nakubaka mukashi, nunku tshiena mumanye mua kuya.

1 Korente 7:28

Kadi biwikala mubake, kuakuenza bualu bubi; ne biabakibua mukashi utshidi kamama, yeye kakuenza, bualu bubi. Kadi bantu aba nebikale ne kanyinganyinga mu mibidi yabo; ne meme udi musue kunusungila ku bualu ebu.

1 Korente 7:30

ne bantu badi badila bikale bu badi kabai badila; ne badi basanka bikale bu badi kabai basanka; ne badi basumba bintu bikale bu badi kabai ne bintu;

1 Korente 7:31

ne bantu badi balonda malu a ha buloba bikale bu bantu badi kabai bukuta nʼau; bualu bua tshimuenekelu tshia malu a ba buloba ebu netshijimine.

1 Petro 1:24

Bualu bua bakafunda ne, Ba ha buloba bonso badi bu bisosa, Ne butumbi buabo buonso budi bu tshilongo tshia bisosa. Bisosa bidi bifubidila, Ne tshilongo tshidi tshimata hanshi;

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

1 Yone 2:17

Buloba budi bujimina ne lukuka luabu kabidi; kudi yeye udi wenza mudi disua dia Nzambi udi ushalaku tshiendelele.