1 Korente 6:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Ndi ngamba bualu ebu bua kunufuisha bundu. Kakuena muena meshi umue munkatshi muenu udi mua kulumbuluila bana benu ba mu Kilisto bilumbu biabo, anyi?

MUKANDA WA MYIDI MUKULU

⁵ Ikalayi ne bundu! Munkatshi muenu kamuena muntu nansha umue wa meji udi mua kukosa nsambu ya bana babu anyi?

1 Korente 6:5 ပူးပေါင်းရင်းမြစ်များ

Nsumuinu 14:8

Meji a muena budimu adi a kujingulula nshila wandi, kadi buhote bua bahote budi bubahambuisha.

Bienzedi 1:15

Mu matuku â Petelo wakimana munkatshi mua bana babo ba mu Kilisto, bakadi badisangishe nunku bu lukama ne makumi abidi, yeye wakamba ne,

Bienzedi 9:13

Kadi Anania wakandamuna ne, Mukelenge, nakunvua kudi bantu ba bungi lumu lua muntu eu, ne bu mudi malu mabi a bungi akenzeleye basanto bebe ba mu Yelushalema;

1 Korente 11:14

Malu nkayau adi munda mua bantu kêna anuyisha ne, Bikala mulume ne nsuki yandi mile, bualu ebu budi bundu kudiye, anyi?

1 Korente 15:34

Nutabale biakane, nulekele kuenza malu mabi; bualu bua bakuabo kabena bamanye Nzambi. Ndi ngamba nuaku bua kunufuisha bundu.

1 Korente 3:18

Muntu kadidingi. Biela muntu meshi ne, Meme ndi muena meshi munkatshi muenu wa mu tshikondo etshi, alue biandi muhote bua kuikaleye muena meshi.

1 Korente 4:10

Tuetu tudi bahote bualu bua Kilisto, kadi nuenu nudi bena lungenyi mu Kilisto; tuetu tudi batekete, kadi nuenu nudi bakole, nuenu nudi ne butumbi, kadi tuetu tudi bahetudibua.

1 Korente 4:14

Tshiena nfunda malu â bua kunufuisha bundu, kadi bua kunudimusha bu bana banyi bananga.

1 Korente 6:1

Muntu kai wa munkatshi muenu, bikaleye ne muena Kilisto mukuabo tshilumbu, udi ne dikamakama dia kutshilumbulula ku mpala kua bantu babi, ne kena uya nʼatshi kudi basanto?

1 Korente 6:4

Nunku binuikala ne bilumbuluidi bia malu a mu muoyo utudi nʼau, nudi nuteka ha mutu habi bantu ba hatuhu ba mu ekelesia, anyi?

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.