1 Korente 6:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu kai wa munkatshi muenu, bikaleye ne muena Kilisto mukuabo tshilumbu, udi ne dikamakama dia kutshilumbulula ku mpala kua bantu babi, ne kena uya nʼatshi kudi basanto?

MUKANDA WA MYIDI MUKULU

¹ Padi umue wa kunudi tshilumbu ne muanabu, mudiye ukimina kufunda muanabu kudi bakoshi ba nsambu badi kabayi bitaba Mvidi Mukulu mmunyi? Bena ditaba nabu kabena mua kubalumbuluisha anyi?

1 Korente 6:1 ပူးပေါင်းရင်းမြစ်များ

Matayi 5:45

nunku nenuikale bana ba Tatu wenu udi mu diulu; bualu bua yeye utu wabandishila bantu babi ne bantu bimpe diba, yeye kabidi utu watumina bantu bakane ne bantu babi nvula.

Bienzedi 19:38

Nunku Demetelio ne bena mudimu nʼandi, bikalabo ne muntu tshilumbu, matuku a kulumbulula adiku ne balumbuludi badiku, baye kubandanganaku.

1 Korente 1:2

tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.

1 Korente 14:33

bualu bua Nzambi kena Nzambi wa malu mabuelakane, kadi udi Nzambi wa ditalala. Bu mudi bualu mu ekelesia yonso ya basanto,

1 Korente 16:1

Bualu bua disangisha dia bintu bia kufila kudi basanto, bu munakela di kudi ekelesia wa mu Galatia, enzai bienu muomumue kabidi.

1 Korente 16:15

Bana betu, ndi nusengelela (nudi bamanye ba mu nsubu wa Stefana ne badi bu mamuma a kukuama diambedi mu Akaya, ne bakadifila bua kukuatshila basanto mudimu)

1 Korente 5:12

Bua ndi ne bualu bua kulumbuluisha badi kabai mu ekelesia kudi kunyi? Nuenu kanuena nulumbuluisha badi mu ekelesia, anyi?

1 Korente 6:5

Ndi ngamba bualu ebu bua kunufuisha bundu. Kakuena muena meshi umue munkatshi muenu udi mua kulumbuluila bana benu ba mu Kilisto bilumbu biabo, anyi?