1 Korente 3:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ mudimu wa muntu ne muntu neumueneshibue; bua difuku dilualua nediumueneshe, bualu bua didi dibuluibua mu kahia; ne kahia nekatete mudimu wa muntu ne muntu ne udi wa mushindu kai.

MUKANDA WA MYIDI MUKULU

¹³ Kadi mushinga wa mudimu wa muntu yonsu neumueneke dituku dia Tshilumbuluilu, bualu dituku adi kapia nekateme. Kapia aka nekatete mudimu wa muntu yonsu, bua kuleja mushinga wawu.

1 Korente 3:13 ပူးပေါင်းရင်းမြစ်များ

Yeshaya 28:17

Nenvuishe kulumbulula kuakane luidi, ne buakane tshiamu tshia plomb tshia kuteta nʼatshi tshimanu. Mabue a nvula neumushe tshinyemenu tshia mashimi, mai neahitshile ha mutu ha tshisokomenu.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Yirmeya 23:28

Muprofete udi ulota tshilota aule tshilota tshiandi: muntu udi ne dî dianyi ambile dî dianyi ne mutshima mutoke. Yehowa udi ukonka ne, Bisonsa bidi ne maminu a blé mudimu kai?

Yirmeya 23:29

Yehowa udi wamba ne, Dî dianyi kadiena bu kahia, anyi? Kadiena bu marteau udi uhanda mabue bihesa bihesa, anyi?

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Malaki 3:17

Yehowa wa misumba udi wamba ne, Bobo nebikale banyi, mu dituku dindi ngenza malu â, nebikale bantu banyi nkayanyi mene; meme nembafuile luse bu mudi muntu ufuila muanʼandi mulume udi umukuatshila mudimu luse.

Malaki 3:2

Kadi nganyi wamanya mua kushala holâ mu dituku dia kulua kuandi? Nganyi washindama hamuenekeye? Bualu bua yeye udi bu kahia ka mukunjishi wa biamu, ne bu nsabanga wa musukuidi wa bilulu.

Matayi 10:15

Bulelela, ndi nuambila ne, Halua dituku dia kulumbulula, bujitu bua dikenga dia musoko au nebutambe bua buloba bua Sodoma ne Amola.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Luke 2:35

muele wa nvita neutubule muoyo webe, nunku meshi a mu mitshima ya ba bungi neamueneke.

Rome 2:16

Nunku nebalumbuluishibue ku dituku didi Nzambi ulumbulula malu masokome a bantu kudi Yesu Kilisto, bu mudi lumu luimpe luanyi luamba.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

1 Korente 1:8

Yeye kabidi neanujadike tô ne kunshikidilu, bua kanuikadi ne tshia kunubandabo nʼatshi mu dituku dia Mukelenge wetu Yesu Kilisto.

1 Korente 3:12

Biasa muntu ha bishimikidi ebi ngolo, argent, mabue a mushinga mukole, mitshi, bisosa, anyi bidi hisasa,

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

2 Timote 1:18

(Mukelenge amuhe mua kuheteye luse kudi Mukelenge dituku diadia); ne bua bungi bua bintu biakankuatshisheye nʼabi ku Efeso, wewe udi mumanye bimpe.

2 Timote 3:9

Kadi bobo kabena mua kuhita ku mpala; bualu bua buhote buabo nebumueneke ku mesu kua bonso, bu muakamueneka buhote bua bantu aba bakuabo.

2 Timote 4:8

tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

Ebrewu 10:25

katui tulekela bietu disangisha dietu bamue, bu mudi tshilele tshia bakuabo, kadi tukoleshangana mitshima, tutamba kuenza nunku bualu bua nudi numona dituku dia Mukelenge disemena ha buihi.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

1 Petro 4:12

Bananga, kanukemi bua dikenga didi bu kahia munkatshi muenu diakaluila kunudi bu diteta, bu bualu buhia-buhia buakanukuata;

2 Petro 3:10

Kadi dituku dia Mukelenge dilualua bu mudi muibi; mu dituku adi diulu nedijimine ne diyoyo dinene, ne bintu bia mu diulu nebifingutuke ne kahia kakole, ne buloba ne bintu bidimu nebihie.

2 Petro 3:7

Kadi bua dî diodiumue diulu didiku katataka ne buloba kabidi biakabutshidibua bua kuhia ne kahia bilamibue tô ne ku dituku dia dilumbulula ne dia dibutuka dia bantu badi babenga Nzambi.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.