1 Korente 16:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ kadi bumue nenshikame nʼenu musangu, anyi tshidimu tshia mashika tshijima mene, bua nuenu kuntuma ku luendu kunaya.

MUKANDA WA MYIDI MUKULU

⁶ Bumue nenshale nenu matuku, nansha muvu mujima wa mashika. Nenungambuluishe, bua tufike kuonsu kundi ne bua kuya.

1 Korente 16:6 ပူးပေါင်းရင်းမြစ်များ

Bienzedi 15:3

Bena ekelesia bakabashindikila, bakahitshila mu Foineke ne Samalea, benda bambila bantu bua kukudimuna kua mitshima kua bisamba bia bende; bakatamba kusankisha mitshima ya bana babo bonso ba mu Kilisto.

Bienzedi 17:15

Bafidi ba Paulo bakamulombola tô ne ku Atena; hakangatabo dî dia Paulo diakatumineye Sila ne Timote bua bobo balue kudiye lukasa, bakaya.

Bienzedi 20:38

mitshima yabo yakatamba kunyingalala bua dî diakambeye ne, Kanuena nutangila mpala wanyi kabidi. Bakamushindikila ku buatu.

Bienzedi 21:5

Hatuakashikisha kulalamu matuku, nakumuka, tuakaya ku luendu luetu; buonso buabo, ne bakashi ne bana, bakatushindikila tô ne hatuakahatuka mu musoko; hatuakatua binu kukala kua mai, nakatendelela Nzambi, tuakalayangana nʼabo.

Bienzedi 27:12

Bualu bua dilobo adi kadiakadi diakane dia kushikishilaku ngondo ya mashika, bakadi batambe bungi bakamba ne, Tumukai kunoko, ne tuamanya mua kufika ku Foinike bua kushikishilaku ngondo ya mashika, aku kudi dilobo dikuabo dia Kulete, didi ditangila ku node-esete ne ku sude-esete.

Bienzedi 28:11

Hakahita ngondo isatu, tuakabuha mu buatu bua ku Alesandelia buakadi bulale ku tshisenga bua ngondo ya mashika, tshimanyinu tshiabu ne, Diosokuli.

Rome 15:24

hanaya ku Esepanya, bualu bua ndi ntekemena bua kuntangila mu luendu luanyi, ne bua nuenu mufile ku mpala mu nshila wanyi, binasankishibua nʼenu tshituha diambedi.

1 Korente 16:11

nunku muntu kamuhetudi nasha. Kadi numutume ku luendu luandi talala, bua yeye alue kundi; bualu bua meme ndi mutekemena ne bana betu bakuabo ba mu Kilisto.

2 Korente 1:16

nakasua kuhitshila munkatshi muenu ku Makedonia, ne kuhingana kunudi ku Makedonia kabidi, bua nuenu kuntuma ku mpala mu luendu luanyi lua ku Yudaya.

Tite 3:12

Hanatuma Âtema anyi Tukiko kûdi, ndi musue wewe wambuluishe bua kulua kundi ku Nikopoli; bua nakudisunguila bua kushalaku tshidimu tshia mashika.