1 Korente 15:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Bunga butumbi mbua diba, ne bunga butumbi mbua ngondo, bunga butumbi mbua mitoto, bua munga mutoto udi utahuluka kudi munga mutoto mu butumbi buau.

MUKANDA WA MYIDI MUKULU

⁴¹ Diba didi ne buimpe buadi, ngondu udi ne buende, mitotu ne buayi. Nansha mitotu mene kayena yonsu ne buimpe bua momumue to.

1 Korente 15:41 ပူးပေါင်းရင်းမြစ်များ

Genese 1:14

Nzambi wakamba ne, Bintu bidi bikenka bikale mulu mua diulu bua kutahulula munya kudi butuku, bikale bua bimanyinu ne bua bikondo ne bua matuku ne bua bidimu,

Yobe 31:26

bingikala mumone diba hakatemadi, anyi ngondo hakendeye mu dinkenka diandi,

Misambu 8:3

Handi ntangila diulu diebe, didi mudimu wa bianza biebe, ne ngondo ne mitoto biwakufuka;

Yeshaya 24:23

Hashishe ngondo neabuandakane, ne diba nedidisokoke bua bundu buadi; bualu bua Yehowa wa misumba neakokeshe mu mukuna wa Siona, ne mu Yelushalema; ku mpala kua bakulu bandi nekuikale butumbi.

Luke 19:19

Wakamuambila kabidi ne, Wewe wikale nfumu wa misoko itanu.

1 Korente 15:40

Mibidi ya bintu bia mu diulu idiku ne mibidi ya bintu bia ha buloba; kadi butumbi bua mibidi ya mu diulu budi ha buabu, ne butumbi bua mibidi ya bia ha buloba budi ha buabu.

1 Korente 15:42

Dibika dia bantu bafue didi nunku kabidi. Mubidi udi ukunyibua mubole, udi ubishibua kawi mubole;

Dielulula 4:19

bua hanuabandisha mesu enu mulu, ne hanuatangila diba ne ngondo ne mitoto ne bintu bionso bia mu diulu, kanubitendeledi, kanubienzedi mudimu; ebu mbualu buakaha Yehowa, Nzambi wenu, bantu bonso bakuabo badi muinshi mua diulu.