1 Korente 11:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bua bualu ebu ba bungi ba munkatshi muenu badi batekete, badi ne mabedi, ne bakuabo bakumbana badi balala tulu mu lufu.

MUKANDA WA MYIDI MUKULU

³⁰ Ke padi ba bungi ba kunudi basama, kabayi ne bukole, bafue kabidi ba bungi.

1 Korente 11:30 ပူးပေါင်းရင်းမြစ်များ

Ekesode 15:26

wakabambila ne, Binuatumikila di dia Yehowa Nzambi wenu, binuenza malu adi mimpe ku mesu kuandi, ne binuateleja matshu kudi mikenji yandi, binuenza mei andi onso, tshiena nnutumina nansha disama dimue dinakatumina Bena Ejipitu, bualu bua meme ndi Yehowa udi unuondaha.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Dibadika 20:12

Yehowa wakambila Mose ne Alona ne, Bualu bua nuenu kanuakungitabusha bua kunjidila ku mesu kua Bena Isalele, nunku kabuena nulua ne bantu aba mu buloba bunakubaha.

Dibadika 20:24

Alona neadisangishe kudi bankambua bandi, yeye kena ubuela mu buloba bunakalaya Bena Isalele, bualu bua nuenu nuakuhidia dî dianyi ku mai a Meliba.

Bienzedi 13:36

Hakashikisha Davidi kuenza mu tshikondo tshiandi malu akasua Nzambi, wakafua, wakajikibua ne bankambua bandi, wakabola;

Bienzedi 7:60

Wakatua binu hanshi, wakela dî dikole ne, Mukelenge, kubatekedi bubi ebu. Hakambeye dî edi, wakalala tulu.

1 Korente 11:29

Bua wadia bidia ebi ne wanua luhanza elu udi udia dihila, udi unua dihila, bikaleye kai ujingulula mubidi wa Mukelenge.

1 Korente 11:31

Bituikala badijingulule munda muetu, kabakadi ne bualu bua kulumbuluisha.

1 Korente 11:32

Kadi hatulumbuluishabo, tudi tukengeshibua kudi Mukelenge bu bana bandi, bua tuetu katuhishibu hohamue ne ba ha buloba.

1 Korente 15:51

Monai, ndi nuambila bualu busokoka: Buonso buetu katuena tulala tulu mu lufu, kadi buonso buetu netuandamuke,

1 Tesalonike 4:14

Bualu bua bituitabusha ne Yesu wakafua, ne wakabika ku lufu kabidi, muomumue Nzambi nealue ne bantu aba nʼandi kabidi bakalala tulu ma lufu bualu bua Yesu.

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.