1 Korente 10:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bualu bua mutanda wa bidia udi umue, tuetu ba bungi tudi mubidi umue; bualu bua buonso buetu tudi tudisanga ku mutanda umue.

MUKANDA WA MYIDI MUKULU

¹⁷ Diampa didi amu dimue epele. Nanku nansha tuetu bikale bavule, tudi tuenza mubidi amu umue, bualu tudi tudisanga bonsu mu diampa dimue adi.

1 Korente 10:17 ပူးပေါင်းရင်းမြစ်များ

Rome 12:5

nunku, tuetu, bantu ba bungi, tudi mubidi umue musangila mu Kilisto, ne kudi muntu ne muntu, tudi tuikalangana bu bituha bia bakuabo.

Kolose 3:15

Ne ditalala dia Kilisto dinukokeshe mu mitshima yenu; dinuakabikidibuamu kabidi mu mubidi umue; ne nuikale nusakidile Nzambi.

1 Korente 12:27

Nunku nuenu nudi mubidi wa Kilisto, muntu tshituha tshiau, muntu tshituha tshiau.

1 Korente 12:12

Bualu bua bu mudi mubidi umue, ne udi ne bituha bia bungi, ne bituha bionso bia mu mubidi bidi bia bungi kadi bidi mu mubidi umue; nunku mudi Kilisto kabidi.

Efeze 4:25

Nunku nulekele mashimi, muntu ne muntu nuambilangane ne muena mutumba nʼenu mei malelela; bualu bua tuetu tudi bituha bia mubidi tunue ne bakuabo.

Efeze 4:16

Bituha bionso bia mubidi bidi biakashangana ne bidi bilamakashangana kudiye bua dikuatshishangana dia manungu onso, bu mudi mudimu wa tshituha tshionso, bidi bidiundisha mubidi mujima, tô ne hatentamabi bu nsubu mu dinanga.

Efeze 4:4

Mubidi udi umue ne Nyuma udi umue, bu munuakabikidibua kabidi mu ditekemena dimue dia dibikidibua dienu.

Kolose 3:11

Nunku kakuena mua kuikala Muena Gelika ne Muena Yuda, Muena ditengula ne udi kai muena ditengula, musenshi, Muena Sekutia, muhika ne mudishikamine; kadi Kilisto udi malu onso ne udi mu malu onso.

Efeze 3:6

bualu ebu busokoka ne, Ba bisamba bia bende badi bahianyi nʼetu, ne badi bituha nʼetu bia mubidi umue, ne badi bangatshi nʼetu ba mulayi mu Kilisto Yesu bualu bua lumu luimpe,

Kolose 2:19

udi kai ulamata Mutu, kudi mubidi wonso, mukoleshibue ne musuikakasha ku manungu ne mijilu, udiundaku ne kudiunda kua kudi Nzambi.

1 Korente 10:21

Kanuena mua kunua luhanza lua Mukelenge ne luhanza lua bademon hohamue; kanuena mua kudisanga ku mesa a Mukelenge ne ku mesa a bademon hohamue.