1 Korente 10:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Malu â akadi abakuata bu bifuanyikishi, akafundibua bua kutudimusha, kutudi mene kuakufika nshikidilu wa bikondo.

MUKANDA WA MYIDI MUKULU

¹¹ Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

1 Korente 10:11 ပူးပေါင်းရင်းမြစ်များ

Genese 19:35

Bakanuisha tatu wabo nvinyo butuku abu kabidi, ne muanʼa mukala wakabika, wakalala nʼandi, ne tatu wandi kakamanya hakalaleye ne hakabikeye.

Misambu 102:18

Bafundile ba mu tshikondo tshialua bualu ebu, bua bantu balueye kufuka batumbishe Yehowa.

Yezekiyele 5:15

Newikale tshintu tshidibo bahenda ne tshidibo bahetula, tshidi tshibadimusha ne tshidi tshihatuisha mikemu, kudi bisamba bidi biunyunguluka, hananulumbuluisha mu difikʼa munda dianyi ne mu tshiji tshianyi tshikole, ne mu dikengesha didi dihita hukole; meme Yehowa nguakuamba nunku.

Matayi 13:39

muena lukuna wakaikuna ndiabolo; dituku dia kunowa nkunshikidilu kua tshikondo etshi; banowi mbanjelo.

Matayi 13:40

Bu mudi bantu basangisha luhela bua kuluosha, bualu nebuikale nunku kunshikidilu kua tshikondo etshi.

Rome 13:11

Nuenze malu â, bualu bua nudi bamanye tshikondo etshi ne, Diba diakumana kufika bua nuenu kubishibua ku tulu; bua katataka luhandu luetu ludi lutamba dituku dia dianjila kuitabusha kuikala ha buihi.

Rome 13:12

Butuku budi buamba kutshia, munya wakusemena ha buihi, nunku tuvule bienzedi bia midima, tuluate bintu bia nvita bia munya.

Rome 15:4

Bua malu onso akafundabo diambedi akafundibua bua kutuyisha, bua tuetu tuikale ne ditekemena bua ditantamana dietu ne bua busambi bua mu Mukanda wa Nzambi.

Rome 4:23

Nunku dî edi kadiakafundibua bua bualu buandi nkayandi ne, Ditabusha diandi diakabadibua kudiye,

1 Korente 10:6

Malu â akalua bifuanyikishi bia malu etu, bua katukumi mitshima yetu ku malu mabi bu muakakumabo mitshima yabo.

1 Korente 7:29

Kadi, bana betu, ndi nuambila ne, Musangu udi mukeha bua mu tshikondo tshilualua bantu badi ne bakashi bikale bu badi kabai ne bakashi;

1 Korente 9:10

anyi udi wamba nunku anu bua bualu buetu? Bua bualu buetu bakafunda dî edi, bua muntu udi udima udi ne bualu bua kudima ne ditekemena, muntu udi ushihula udi ne bualu bua kushihula ne ditekemena dia kuangata bia kudia.

Ngalate 4:24

Malu â nunku adi lusumuinu: bakashi aba badi bu bihungidi bibidi; umue wabo wa ku mukuna wa Sinai udi ulela bana bua kuikalabo bahika, yeye udi Haga.

Filipe 4:5

Buhole buenu bumanyishibue kudi bantu bonso. Mukelenge udi ha buihi.

Ebrewu 10:25

katui tulekela bietu disangisha dietu bamue, bu mudi tshilele tshia bakuabo, kadi tukoleshangana mitshima, tutamba kuenza nunku bualu bua nudi numona dituku dia Mukelenge disemena ha buihi.

Ebrewu 10:37

Bualu bua haleba musangu muihi. Yeye udi ulua nealue, kena unenga.

1 Yone 2:18

Bana banyi, didi diba dia kunshikidilu; ne mbu munuakunvua ne, Mufuilakanyi ne Kilisto ukadi ha kulua, ne katataka bafuilakanyi ne Kilisto bakumana kulua ba bungi; bua malu â tudi bamanye ne, Didi diba dia kunshikidilu.