1 Bakalenga 9:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi binuabenga kundonda, nansha wewe nansha bana bebe, kanuyi nutumikila mikenji yanyi ne mei anyi binakuteka ku mpala kuenu; binuaya kukuatshila nzambi mikuabo mudimu ne bua kuyitendelela;

MUKANDA WA MYIDI MUKULU

⁶ Kadi wewe Shelomu ne bantu bebe bena Izrayele, ne ndelanganyi yenu, panuikala nuenu bantombokela, kanuyi bakumbaje meyi anyi ne mikenji yanyi bimvua munuambile, nuenu nutendelela mvidie mikuabu, nuenu bayituile binu bua kuyikukuila,

1 Bakalenga 9:6 ပူးပေါင်းရင်းမြစ်များ

2 Bakalenga 18:12

bualu bua kabakatumikila dî dia Yehowa, Nzambi wabo, kadi bakashiha tshihungidi tshiandi; bakabenga mikenji yonso yakabambila Mose, muntu wa Yehowa, kabakayunvua, kabakayenza.

2 Bakalenga 22:17

Bualu bua bobo bakundekela, bakuoshila nzambi mikuabo musenga wa manananshi bua kunfuishabo tshiji ku bienzedi bia bianza biabo; nunku tshiji tshianyi netshikale, katshiena tshijima ku muaba eu nansha.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

Misambu 89:30

Biabenga bana bandi diyisha dia mikenji yanyi, bikalabo kabayi benda mu mei andi mbambila;

Misambu 89:31

bianyangabo mei anakabafundile bua kuenzabo, biahidiabo kutumikila mikenji yanyi;

Misambu 89:32

hashishe, nembakengeshe bua matomboka abo ne mulangala, nembakengeshe bua mahambuka abo ne mikumu ya nsokotshi

Yirmeya 26:4

Ubambile ne, Yehowa udi wamba ne, Binuahidia kunvua mei anyi, bua kuenda bienu mu mikenji inakuteka ku mpala kuenu,

Muadi 1:8

Yelushalema wakenzela Nzambi bibi, nunku wakalua bu tshintu tshidi ne manyanu; bonso bakadi bamutumbisha diambedi hadi bamuhetula mpindiu, bualu bua badi bamone butaka buandi; e, yeye udi utua mikemu, udi ukoma nyima wandi.

1 Samuele 15:11

Nakakudimuna mutshima bua nakasungula Shaula mukelenge, bualu bua yeye wakasesuka, kena undonda, kena utumikila mikenji yanyi. Samuele wakadi ne tshiji tshikole, wakadila kudi Yehowa butuku abu buonso.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.