1 Bakalenga 8:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nansha tshintu tshikuabo tshiakadi mu mushete eu anu mabue abidi akadi ne mikenji mifundahu akatekamu Mose ku Holeba kuakahunga Yehowa tshihungidi ne Bena Isalele hakumukabo mu buloba bua Ejipitu.

MUKANDA WA MYIDI MUKULU

⁹ Mu mushete amu, muvua anu mabue abidi avua ne mikenji. Moshe ke uvua muteke mabue awu mu mushete. Uvua muapete ku mukuna wa Sinayi pavua Maweja-Nangila utua ndondu ne bena Izrayele, mumane kubapatula mu Ejipitu.

1 Bakalenga 8:9 ပူးပေါင်းရင်းမြစ်များ

1 Bakalenga 8:21

Nakalongoluela mushete muaba, mudi tshihungidi tshia Yehowa tshiakahungeye ne bankambua betu hakumukeye nʼabo mu buloba bua Ejipitu.

2 Kulondolola 5:10

Nansha tshintu tshikuabo tshiakadi munda mua mushete, anu mabue abidi akatekamu Mose ku Holeba kuakahunga Yehowa tshihungidi ne Bena Isalele, hakaluhukabo mu Ejipitu.

2 Kulondolola 5:9

Mitshi ei yakatamba bule, bakamanya mua kumona nsongo yai mu muaba wa tshijila ku mpala kua mushete; kadi kabakamanya mua kuyitangila ha mbelu; udiku tô ne ku dituku edi.

Ekesode 13:21

Yehowa wakaya ku mpala kuabo mu ditutu, kubalesha nshila, ne butuku mu difutu diakadi ne dinkenke bua kubatemena mu nshila, bua bobo bamanye mua kuya ne munya ne butuku.

Ekesode 14:24

Hakatshia butuku, Yehowa wakatangila bisumbu bia Bena Ejipitu mu ditutu diakadi ne dinkenke dia kahia, wakabatshinyisha.

Ekesode 16:10

Hakadi Alona wambila tshisumbu tshionso tshia Bena Isalele nunku, bakatangila ku tshihela, ne monai, butumbi bua Yehowa buakamueneka mu ditutu.

Ekesode 16:33

Mose wakambila Alona ne, Angata tshivuadi, tekamu tshihiminu tshia bidia abi tente, ubiteke ku mesu kua Yehowa, nushale nʼabi tô ne ku bikondo bienu bionso.

Ekesode 25:16

Wewe neuteke mu mushete mabue a dihungila andi nkuha.

Ekesode 25:21

Wewe neuteke tshibuikilu ha mutu ha mushete neubueshe mabue a dihungila andi nkuha mu mushete.

Ekesode 40:20

Wakabuesha mabue a mikenji mu mushete, wakateka mitshi ya kutuala nʼai mushete, wakateka tshibuikilu ha mutu ha mushete.

Yezekiyele 10:4

Bualu bua butumbi bua Yehowa buakumuka ku mitu kua bakeluba, buakaya ku mbelu kua nsubu; nsubu wakula tente ne ditutu, ne tshiendelu tshiakula tente ne dinkenke dia butumbi bua Yehowa.

Lewitiki 16:2

Yehowa wakambila Mose ne, Wambile Alona, mukulu webe, ne, Kulu nusangu yonso mu muaba wa tshijila udi ku nyima kua tshilulu tshikudika ku mpala kua tshibuikilu tshia mushete wa Nzambi, kufu biebe, bualu bua meme nemmueneke mu difutu ku mutu kua tshibuikilu tshia mushete wa Nzambi.

Dibadika 17:10

Yehowa wakambila Mose ne, Hingasha mulangala wa Alona ku mpala kua mushete, bu tshivulukidi kudi bantu badi basue kutomboka, neumanye mua kushikisha kutontolola kudibo bantontolola nʼaku bua bobo kabafu nansha.

Dibadika 9:15

Mu dituku diakashimikabo nsubu wa tshitendelelu, ntenta wa dimanyisha dia Yehowa, ditutu diakabuikila nsubu wa tshitendelelu, ku dilolo tô ne ku dinda diakakenka bu kahia ha mutu ha nsubu wa tshitendelelu.

Dielulula 31:26

Nuangate mukanda eu wa mikenji, nûteke ku luseke lua mushete wa tshihungidi tshia mei a Yehowa, Nzambi wenu, newikaleku bu mumanyi wa bualu buanyi.

Dielulula 4:13

Yeye wakanumanyisha bua tshihungidi tshiandi tshiakanuambileye bua nuenu nuenze, mikenji ei dikumi mene mene; yeye wakayifunda ha mabue abidi.

Ebrewu 9:4

wakadi ne tshioshelu tshia mananashi tshia ngolo, ne mushete wa tshihungidi mulamika ne ngolo ku nseke yonso; munda muau muakadi tshifuadi tshia ngolo tshitekelamu mana, ne mulangala wa Alona wakela ntonga, ne mabue akadi ne mei a tshihungidi mafundahu;

Didimanyisha 15:8

Ne ntempelo wakûshibua tente ne muinshi wa ku butumbi bua Nzambi ne ku bukole buandi; ne nasha umue wakamanya mua kubuela munda mua ntempelo, tô ne hashika makenga muanda mutekete a banjelo muanda mutekete.