1 Bakalenga 8:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ wakamba ne, Yehowa, Nzambi wa Isalele, kakuena nzambi mukuabo bu wewe mu diulu anyi hanshi ha buloba: utu wamana bihungidi ne luse lujalame kudi bantu bebe badi benda ku mpala kuebe ne mitshima yabo yonso;

MUKANDA WA MYIDI MUKULU

²³ wamba ne: — Maweja-Nangila Mvidi Mukulu wa bena Izrayele, kakuena Mvidi Mukulu mukuabu bu wewe, nansha mu diulu nansha pa buloba. Wewe udi ukumbaja ndondu uuvua mutue ne bena mudimu bebe. Wewe udi anu mubanange ne muoyi umue, padibu bakuitaba ne muoyi wabu mujima.

1 Bakalenga 8:23 ပူးပေါင်းရင်းမြစ်များ

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Genese 33:20

Wakenzaku tshioshelu, wakatshidika dina ne, El-Elohe Isalele.

2 Samuele 7:22

Nunku wewe, Yehowa Nzambi, udi munene: kakuena mukuabo bu wewe, kakuena Nzambi mukuabo anu wewe nkayebe, bu mudi malu onso atuakunvua ku matshu etu.

1 Bakalenga 2:4

bua Yehowa kujadikeye di diandi diakangambileye ne, Bikala bana bebe badimuke mu nshila yabo, benda ku mpala kuanyi mu bulelela ne mitshima yabo yonso ne mioyo yabo yonso, hashishe, wewe kuena uhanga muntu wa kushikama mu nkuasa wa bukelenge wa Isalele tshiendelele.

1 Bakalenga 3:6

Solomo wakamba ne, Wewe wakalesha muntu webe Davidi, tatu wanyi, luse lunene lujalame, bu muakendeye ku mesu kuebe mu bushuwa ne buakane ne mu butoke bua mutshima kûdi; wewe wakumulamina luse elu lunene lujalame bualu bua wewe wakamuha muana mulume bua kushikameye mu nkuasa wandi wa bukelenge: bualu ebu buakuenjibua lelu.

1 Bakalenga 6:12

Bua nsubu eu ûdi wibaka, biwenda mu nshila yanyi, biwenza mei anyi, biwatumikila mikenji yanyi yonso, nunku nenjadike dî dianyi kûdi, diakambila Davidi, tatu webe.

1 Bakalenga 8:24

wakajadika ne muntu webe Davidi tatu wanyi mulayi uwakamulaya; bulelela, wewe udi wamba bualu mukana muebe, utu wabumana ne tshianza tshiebe, bu muwakuenza lelu eu.

2 Bakalenga 20:3

Yehowa, ndi nkusengelela ne, Uvuluke bu munakuenda ku mpala kuebe mu bushuwa ne mutshima mutoke, nakuenza malu mimpe ku mesu kuebe. Hezikiya wakatamba kudila.

Ezela 1:3

Nzambi ikale ne yonso wa bantu bandi bonso udi munkatshi muenu, aye ku Yelushalema mu buloba bua Yuda, bua kuashila Yehowa, Nzambi wa Isalele, nsubu, bua yeye udi Nzambi udi mushikame mu Yelushalema.

Nehemya 1:5

nakamba ne, Ndi nkusengelela, Yehowa, Nzambi wa mu diulu, Nzambi munene ne wa ditshina, utu walama tshihungidi tshiandi ne luse luandi kudi badi bamunanga ne badi batumikila mikenji yandi,

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

Misambu 113:5

Udi bu Yehowa wetu nganyi, udi ne nkuasa wandi mulu,

Misambu 35:10

Mifuba yanyi yonso neyambe ne, Yehowa, udi bu wewe nganyi? Wewe udi usungila muena makenga kudi muntu udi umuhita bukole, udi usungila muntu udi muena makenga ne muhele kudi muntu udi mumunyenge.

Misambu 86:8

Mukelenge, kakuena umue bu wewe munkatshi mua nzambi ya hatuhu; kakuenaku minga midimu bu midimu yebe.

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Ekesode 3:15

Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Yeshaya 40:18

Nenuelekeshe Nzambi ne nganyi? Nenumufuanyikishe kudi tshifuanyikishi kai?

Yeshaya 40:25

Wa Tshijila udi ukonka ne, Nenunfuanyikishe kudi nganyi, bua meme ngikale nʼandi muomumue?

Yirmeya 10:16

Yehowa, luseke lua buhianyi bua Yakoba kena nunku nansha; bualu bua yeye udi mufuki wa bintu bionso; Bena Isalele badi tshisamba tshia buhianyi buandi; Yehowa wa misumba ndina diandi.

Yirmeya 10:6

Kakuena mukuabo bu wewe, Yehowa; wewe udi munene, dina diebe didi dinene mu bukole buadi.

Danyele 9:4

Nakatendelela Yehowa Nzambi wanyi, nakalonda mibi yanyi kudiye, nakamba ne, Mukelenge, Nzambi mimene udi ukuatshisha bantu buowa, udi ulonda tshihungidi tshiandi ne udi ulesha luse lujalame kudi bantu badi bamunanga ne badi batumikila mikenji yandi;

Luke 1:72

Yeye wakalesha bankambua betu luse, Wakavuluka dihungila diandi dia tshijila,

Dielulula 7:12

Binunvua mikenji ei, binuayenza, hashishe Yehowa, Nzambi wenu, nênze tshihungidi ne luse biakalayeye batatu benu:

Dielulula 7:9

Numanye bienu ne Yehowa, Nzambi wenu, udi Nzambi mene; Nzambi utu walamata dî diandi, utu watumikila tshihungidi tshiandi ne luse luandi kudi bantu badi bamusue ne batu batumikila mikenji yandi tô ne ku bihungu tshinunu;

1 Samuele 2:2

Kakuena muntu udi muakane bu Yehowa, bualu bua kakuena mukuabo udi ku mpala kuebe: kakuena dibue dikuabo didi bu Nzambi wetu.