1 Bakalenga 8:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Katshia ngumuka ne bantu banyi Bena Isalele mu Ejipitu, tshiakasungula musoko munkatshi mua bisamba bia Bena Isalele wa kuasamu nsubu, bua dina dianyi dikalemu; kadi nakasungula Davidi bua kuikaleye ku mutu kua bantu banyi Bena Isalele.

MUKANDA WA MYIDI MUKULU

¹⁶ “Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

1 Bakalenga 8:16 ပူးပေါင်းရင်းမြစ်များ

1 Bakalenga 11:36

Nempe muanʼandi tshisamba tshimue, bua Davidi, muntu wanyi ikale ne muinda utema ku mesu kuanyi mu Yelushalema matuku onso, musoko unakasungula bua kutekamu dina dianyi.

1 Bakalenga 8:29

bua mesu ebe ikale matabale ku nsubu eu munya ne butuku ku muaba eu uwakamba ne, Dina dianyi nedikaleku; bua kunvua kulomba kua muntu webe kudiye ulomba mu muaba eu.

2 Bakalenga 23:27

Yehowa wakamba ne, Nengumushe Bena Yuda kabidi ku mesu kuanyi bu munakumusha Bena Isalele, nenyenge musoko eu wa Yelushalema mene unakusungula, ne nsubu unakuamba ne, Nenjadikemu dina dianyi.

1 Kulondolola 17:3

Butuku abu mene dî dia Nzambi diakalua kudi Natana diamba ne,

1 Kulondolola 28:4

Kadi Yehowa, Nzambi wa Isalele, wakansungula munkatshi mua bonso ba mu nsubu wa tatu wanyi, wakampingisha mu bukelenge bua Isalele tshiendelele; bualu bua yeye wakasungula Yuda bua kuikaleye ku mutu; wakasungula tshiota tshia tatu wanyi mu tshisamba tshia Yuda; munkatshi mua bana ba tatu wanyi yeye wakalesha diakalengele kundi bua kumpingisha mu bukelenge bua Isalele;

Nehemya 1:9

kadi binuakudimuna mitshima yenu kundi, binuatumikila mikenji yanyi bua kuyenza, binuikala bamuangalashibue kunfudilu kua diulu, nennusangisheku, nennuhingashe ku muaba unakusungula bua kujadikaku dina dianyi.

Misambu 132:13

Bualu bua Yehowa wakusungula Siona; wakamunanga bu muaba wandi wa kuikaleye, wamba ne,

Misambu 78:70

Wakasungula Davidi muntu wandi, wakamûmusha mu mpangu ya mikoko.

Misambu 89:3

Nakuhunga tshihungidi ne muntu unakusungula, nakuditshiha kudi Davidi muntu wanyi ne,

Yirmeya 7:12

Kadi nuye bienu ku tshitendelelu tshianyi tshiakadi ku Shilo, kunakajadika dina dianyi diambedi, numone malu anakenzela muaba eu bua malu mabi a bantu banyi Bena Isalele.

Dielulula 12:11

Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:5

Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

1 Samuele 16:1

Yehowa wakambila Samuele ne, Wewe neudile muadi bua Shaula musangu bule munyi bualu bua meme nakamuhidia mu bukelenge bua Isalele? Ûshe lusengu luebe ne manyi tente, uye biebe, nenkutume kudi Yishai, Muena Beteleheme, bualu bua nakadisunguila mukelenge munkatshi mua bana bandi ba balume.