1 Bakalenga 6:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bule bua muaba eu buakadi coudées makumi abidi, butshiama buau buakadi coudées makumi abidi, ne bule buau bua mulu buakadi coudées makumi abidi: wakateka tshiamu tshia or ku nseke yonso; wakateka mabaya a cèdre ha nyima ha tshioshelu kabidi.

MUKANDA WA MYIDI MUKULU

^20-21 Tshibambalu etshi, tshivua ne metre dikumi mu butshiama, ne metre dikumi mu butumbuke ne mu bule. Bavua batshilamika tshiamu tshia mpawungi, bu muvuabu balamika munda mua nzubu wa Mvidi Mukulu muonsu. Kumpala kua mushiku wa mbelu wa tshibambalu etshi, bavua bololaku lukanu lua tshiamu tshia mpawungi. Bavua batekaku tshilambuilu tshienza ne mitshi ya sedre, milamika tshiamu tshia mpawungi.

1 Bakalenga 6:20 ပူးပေါင်းရင်းမြစ်များ

1 Bakalenga 6:19

Wakalongolola muaba wa tshijila munda mua nsubu, bua kutekamu mushete wa tshihungidi tshia mei a Yehowa.

1 Bakalenga 6:21

Nunku Solomo wakateka tshiamu tshia or ku nseke yonso munda mua nsubu, wakateka nkanu ya or ku mpala kua muaba wa tshijila; wakateka tshiamu tshia or ha nyima hatshi.

1 Bakalenga 6:22

Wakateka tshiamu tshia or ku nseke yonso munda mua nsubu; wakateka tshiamu tshia or ha nyima ha tshioshelu tshionso tshiakadi mu muaba wa tshijila.

1 Bakalenga 7:48

Solomo Wakenza bintu bionso biakatekeye mu nsubu wa Yehowa wakenza tshioshelu ne tshiamu tshia or, ne mesa a or a kutekahu mampa;

2 Kulondolola 3:7

Wakalamika or ku nseke yonso ya munda mua nsubu, ku mabaya ne ku bilua bia bibi ne ku bimanu ne ku bibi kabidi; bakasonga bifuanyikishi bia bakeluba ku bimanu.

Ekesode 26:29

Lamika tshiamu tshia or ku nseke yonso ya mabaya ne enza nkanu ya or ya kuelamu mitshi, lamika or ku nseke yonso ya mitshi ei.

Yezekiyele 41:22

Tshioshelu tshiakadi tshia mabaya, tshiakadi coudées isatu mu bule bua mulu, coudées ibidi mu bule, coudées ibidi mu butshiama; ku mpenga yatshi, tshitekelu tshiatshi ne nseke yatshi biakadi bia mabaya. Yeye wakangambila ne, Au mmesa adi ku mpala kua Yehowa.

Yezekiyele 41:4

Wakidikisha bule bua nsubu mene, coudées makumi abidi, ne butshiama buandi buakadi coudées makumi abidi, ku mpala kua muaba wa tshijila wa ntempelo. Yeye wakangambila ne, Muaba eu udi muaba mutambe tshijila.