1 Bakalenga 6:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakateka mabaya a cèdre ku bimanu bionso bia munda mua nsubu hanshi tô ne ku mutu; wakabibuikila munda ne mabaya a mitshi; wakabuikila hanshi ha tshiendedi ne mabaya a cyprès.

MUKANDA WA MYIDI MUKULU

¹⁵ kulamikabu mabaya a mutshi wa sedre ku bimana bia munda mua nzubu kuinshi too ne kulu. Kulamikabu dibaya dia mutshi wa pin panshi pa nzubu.

1 Bakalenga 6:15 ပူးပေါင်းရင်းမြစ်များ

2 Samuele 6:5

Davidi ne Bena Isalele bonso bakadi bimba ku mpala kua Yehowa biombelu bia mishindu yonso bienza bia mabaya a mitshi ya cyprès, bisanji ne nzenze ya nshinga dikumi ne mbau ne makasa ne biamu bia kukumangana.

1 Bakalenga 7:7

Wakateka nkuasa wa bukelenge mu nsubu wakadi mu mbalanda, wakamulongolola bua tshilumbuluidi; wakateka mabaya a cèdre ku nseke yonso, kulu ne hanshi.

Musambu wa Solomo 8:9

Bikaleye bu tshimanu tshia nsubu, netumuashileku tshibumba tshia tshiamu tshia argent; bikaleye bu tshibi tshia mu nsubu, netumubuikile ne mabaya a mitshi ya cèdre.

Yezekiyele 41:16

Buonso buabi bisatu biakadi ne madidishi ku nseke yonso mabuikila ne tubaya tutshiamakashe. Bimanu bia munda mua tshitendelelu biakadi bibamba mabaya ku nseke yonso, hanshi tô ne ku madidishi andi, ku madidishi tô ne kulu,