1 Bakalenga 4:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Ba mu bisamba bionso bakalua bua kunvua meji a Solomo; ba mu banfumu ba buloba, hakunvuabo lumu lua meji andi, bakulua.

1 Bakalenga 4:34 ပူးပေါင်းရင်းမြစ်များ

1 Bakalenga 10:1

Hakunvua mukelenge mukashi wa mu Sheba lumu lua butumbi bua Solomo ne bua dina dia Yehowa, yeye wakalua bua kunuteta makonka makole.

1 Bakalenga 4:33

Wakajingulula malu onso a mitshi yonso, ku mutshi wa cèdre wakadi ku mukuna wa Lebanona to ne mitshi ya hisopa yakadi misase tshimanu tshia nsubu; wakamba kabidi malu onso a nyama ne nyunyu ne bintu bidi bidikoka hanshi ne a minyinyi ya mu mai.

2 Kulondolola 9:1

Hakunvua mukelenge mukashi wa Sheba lumu lua Solomo, yeye wakalua ku Yelushalema ne tshisumbu tshia bantu tshinene bua kuteteye Solomo ne makonka makole; wakadi ne tumelo tua bungi tutuala bintu bia muhuya muimpe ne or ya bungi ne mabue a mushinga mukole. Hakafikeye kudi Solomo, yeye wakamuambila malu onso akadi mu mutshima wandi.

2 Kulondolola 9:23

Bakelenge bonso ba ha buloba bakalua kudi Solomo bua kunvuabo meji akamuha Nzambi mu mutshima wandi.

Yeshaya 2:2

Mu matuku atshidi alua mukuna wa nsubu wa Yehowa neujadikibue bu mukuna muhite mikuabo bule, neubandishibue ha mutu ha mikuna mikese; ne ba mu bisamba bionso nebabuelemu.

Zekâya 8:23

Yehowa wa misumba udi wamba dî edi ne, Mu matuku au bantu dikumi ba mu muaku ne mu muaku nebakuate ku luzemba lua tshivuali tshia Muena Yuda, bamuambila ne, Tudi basue kuya nʼebe, bualu bua tuakunvua ne Nzambi udi nʼebe.