1 Bakalenga 4:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bena Yuda ne Bena Isalele bakadi bungi bua nsenga ya ku muelelu wa mai manene; badiadia, banuanua, basankasanka.

MUKANDA WA MYIDI MUKULU

²⁰ Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

1 Bakalenga 4:20 ပူးပေါင်းရင်းမြစ်များ

Genese 13:16

Nenkuvudishile tunkanunuina tuebe, netuikale bu dinfuenkenya dia buloba, nunku biamanya muntu mua kubala dinfuenkenya dia buloba, hashishe, tunkanunuina tuebe netubadibue kabidi.

Genese 15:5

Yehowa wakaluhuka nʼandi mu nsubu, wakamba ne, Tangila mutu bala mitoto, biwamanya mua kuyibala Yeye wakamuambila ne, Tunkanunuina biebe netuikale bungi nunku.

Genese 22:17

ne hanasankisha bakuabo nenkuyudíshile disanka, ne hanakumbasha bakuabo nenkumbashe tunkanunuma tuebe bu mitoto ya mu diulu ne bu nsenga ya kukala kua mai manene tunkanunuma tuebe netuhiane bibi bia bantu badi nʼatu lukuna,

Genese 32:12

Wewe wakungambila ne, Bulelela, nenkue nzele bimpe, nenkukumbashile tunkanunuina tuebe bungi bua nsenga ya kukala kua mai manene, idibo kabayi mua kubala.

1 Bakalenga 3:8

Muntu webe udi munkatshi mua bantu bebe bawakusungula: badi bantu banene, kabena mua kubadibua bualu bua bungi buabo.

1 Bakalenga 4:29

Nzambi wakaha Solomo ngenyi ya bungi be ne dijingulula ditambe ne bunene bua mutshima, biakadi bungi bua nsenga ya ku muelelu wa mai manene.

1 Bakalenga 5:9

Bantu banyi nebahueke nʼai ku Lebanona tô ne ku mai manene, nenyisuikishe mu bisumbu, bua kuya nʼai ha mai manene tô ne ku muaba ûdi unsunguila; neyisuludibueku ne wewe neuyangate; wewe nenshikishe bualu bundi musue hawadisha ba mu nsubu wanyi bia kudia.

2 Bakalenga 18:31

Kanunvu dî dia Hezikiya nansha: bualu bua mukelenge wa Ashû udi wamba ne, Nuhunge nʼanyi dî, nuluhuke kundi, muntu ne muntu adie bintu muinshi mua mitshi yandi ya tumuma tukese ne mitshi ya nfigi, anue mai a mu mena andi kabidi;

1 Kulondolola 12:39

Bakashala ne Davidi matuku asatu, bakadia ne bakanua nʼandi; bualu bua bana babo bakamana kubalongoluela bia kudia.

1 Kulondolola 22:9

Kadi mona, wewe neulele muana wa balume, neikale muena ditalala; nemmuhe ditalala kudi bena lukuna bonso badi bamunyunguluke; bualu bua dina diandi nedikale Solomo; nenvuishe ditalala ne dikisha mu buloba bua Isalele mu matuku andi.

Yobe 1:18

Hakatshidiye wakula, mukuabo kabidi wakalua, wakamba ne, Hakadi bana bebe ba balume ne bana bebe ba bakashi badia bidia ne banua nvinyo mu nsubu wa mukulu wabo,

Nsumuinu 14:28

Bantu bavule mbutumbi bua mukelenge, kadi dikeha dia bantu ndibutuka dia mukokeshi.

Muambi 2:24

Kakuena disanka kudi muntu bu kudia, kunua ne kusankisha mutshima wandi mu midimu yandi. Nakatangila disanka edi ne, Ndifume ku tshianza tshia Nzambi.

Yeshaya 22:13

ne monai, disanka dia bungi didiku ne musangelu, kushiha kua ngombe ne kua mikoko, kudia kua munyinyi ne kunua kua maluvu, nuambe bienu ne, Tudie bietu, tunue bietu, bua makelela tufuafua.

Mika 4:4

Kadi nebashikame, mu ntu ne muntu, muinshi mua muonshi wandi wa tumuma tua nvinyo ne muinshi mua mutshi wandi wa nfigi; kakuena muntu wabakuatshisha buowa; bualu bua mukana mua Yehowa wa misumba muakamba nunku.

Zekâya 3:10

Yehowa wa misumba udi wamba ne, Dituku adi buonso buenu, muntu ne muntu, neabikile muena mutumba nʼandi, neasombe nʼandi muinshi mua muonshi wandi wa tumuma tua nvinyo ne muinshi mua mutshi wandi wa nfigi.

Zekâya 9:15

Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.

Bienzedi 2:46

Ku dituku ku dituku bakadi bananukila kudisangisha mu ntempelo, ne mutshima umue, ku nsubu yabo bakadi batshibula bidia, bakadi badia bidia biabo ne disanka ne mitshima ya kanemu,

1 Samuele 30:16

Hakalueye nʼabo kudibo, monai, bakadi bamuangalaka buloba buonso, bakadi badia bidia, bakadi banua, bakadi baja maja bualu bua bungi bua bintu biakahaulabo mu buloba bua Bena Peleshete ne mu buloba bua Bena Yuda.