1 Bakalenga 3:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukelenge wakaya ku Gibeona bua kushalaku nyama, bua muaba au wakadi muaba munene. Solomo wakafilaku tshinunu tshia milambu ya kuosha ha tshioshelu atshi.

MUKANDA WA MYIDI MUKULU

⁴ Dituku dikuabu, mukalenga Shelomu kuya ku Ngibone bua kulambula milambu, bualu Ngibone uvua muaba wa tshjila mupita kumanyika ku yonsu. Shelomu uvua mumane kulambula milambu ya kuosha mipite bungi, nkama ne nkama pa tshilambuilu tshivua muaba awu.

1 Bakalenga 3:4 ပူးပေါင်းရင်းမြစ်များ

1 Bakalenga 8:4

Bakalua ne mushete wa Yehowa ne ntenta wa kusambakena ne bintu bia tshijila bionso biakadi mu Ntenta; bakuidi ne Bena Lewi bakatuala bintu ebi bionso.

1 Bakalenga 8:63

Solomo wakahia milambu kudi Yehowa ya kuvuisha nʼai bantu ditalala, ngombe binunu makumi abidi ne bibidi ne mikoko binunu lukama ne makumi abidi. Nunku mukelenge ne Bena Isalele bonso bakajidila nsubu wa Yehowa.

1 Bakalenga 9:2

Yehowa wakamueneka kudi Solomo tshiakabidi bu muakamuenekeye kudiye ku Gibeona.

1 Kulondolola 16:39

Wakashiya Sadoka muakuidi ne bana babo bakuabo bakuidi ku mpala kua nsubu wa Yehowa ku mutu kua mukuna wa Gibeona,

1 Kulondolola 21:29

Bualu bua nsubu wa kusambakena wa Yehowa wakasabo kudi Mose mu tshihela ne tshioshelu tshiandi biakadi ku mutu kua mukuna wa Gibeona mu tshikondo atshi.

2 Kulondolola 1:2

Solomo wakasomba ne Bena Isalele bonso, ne tupitene tua bantu tshinunu ne tua bantu lukama, ne balumbuluishi bonso, ne bantu banene bonso ba mu Isalele, ne bakadi ku mutu kua nsubu ya batatuʼabo.

2 Kulondolola 1:3

Nunku Solomo ne Bena Isalele bonso bakadi nʼandi bakaya ku mutu kua mukuna wa mu Gibeona; bualu bua ntenta wa kusambakena wa Nzambi wakasabo kudi Mose, muntu wa Yehowa, mu tshihela wakadiku.

2 Kulondolola 30:24

Bualu bua Hezikiya, mukelenge wa Yuda, wakaha bantu balume ba ngombe tshinunu ne mikoko binunu muanda mutekete bua kufilabo bu milambu; ne bantu banene bakaha bantu balume ba ngombe tshinunu ne mikoko binunu dikumi; bakuidi ba bungi bakadijidila.

2 Kulondolola 7:5

Mukelenge Solomo wakafila milambu ya ngombe binunu makumi abidi ne bibidi, ne ya mikoko binunu lukama ne makumi abidi. Nunku mukelenge ne bantu bonso bakajidila nsubu wa Nzambi.

Yeshaya 40:16

Mitshi ya mu Lebanona kayena ikumbana bu nkunyi ya kuosha, ne nyama idimu kayena ikumbana bu mulambu wa kumuoshila.

Yirmeya 28:1

Mu tshidimu atshi mene, ku tshibangidilu tshia bukokeshi bua Sedekiya, mukelenge wa Yuda, mu tshidimu tshiabu tshinai ne ngondo wabu muitanu, Hananya, muana wa Azû, muprofete wa ku musoko wa Gibeona, wakangambila ai mu nsubu wa Yehowa, ku mesu kua bakuidi ne bantu bonso ne,

Yoshua 10:2

nunku bobo bakatamba kutshina, bualu bua Gibeona wakadi musoko munene, mufuane tshimenga tshia bakelenge mene mene, ne bualu bua musoko eu wakatamba Ai bunene, ne balume bonso bakadi ne bukitu.

Yoshua 18:21

Bimenga bia tshisamba tshia Bena Benyamina ku meku abo biakadi Yeleko ne Bete-hogola ne Emeke-kezizi,

Yoshua 9:3

Kakunyua Bena Gibeona muakenzela Yoshua Yeleko ne Ai,

1 Samuele 13:9

Shaula wakamba ne, Balue ne milambu ya kuosha ne ya kuvuisha nʼai bantu ditalala kundi. Yeye wakafila milambu ya kuosha ha kahia.