1 Bakalenga 3:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

MUKANDA WA MYIDI MUKULU

²⁸ Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 3:28 ပူးပေါင်းရင်းမြစ်များ

1 Bakalenga 10:9

Yehowa, Nzambi webe, udi ne disanka bualu buebe, wakukushikika mu nkuasa wa butumbi wa Isalele, atumbishibue; bualu bua Yehowa udi munange Bena Isalele tshiendelele nunku wakukusungula mukelenge bua wewe kulumbulula malu biakane ne kuenza malu adi makane.

1 Bakalenga 3:27

Hashishe mukelenge wakandamuna ne, Bahe mukashi wa ku mpala muana udi ne muoyo, kabanushihi, bualu bua yeye udi muledi wandi.

1 Bakalenga 4:1

Solomo wakadi mukelenge ku mutu kua Bena Isalele bonso.

1 Kulondolola 29:24

Bonso bakadi ku mutu kua bantu, ne bena bukitu bonso, ne bana balume bonso ba mukelenge Davidi bakadikokela kudi mukelenge Solomo.

Ezela 7:25

Wewe, Ezela, bu mudi lungenyi lua Nzambi webe lûdi nʼalu mu tshianza tshiebe, sungula balumbuluishi banene ne ba-juge bua bobo balumbuluile bantu bonso badi dishiya dia musulu wa Pelata, bonso badi bamanye mikenji ya Nzambi webe; uyishe yonso udi kayi muyimanye.

Misambu 72:2

Yeye nealumbuluishe bantu bebe ne buakane, nealumbuluishe bantu bebe bahele ne kulumbulula kuakane.

Misambu 72:4

Yeye nealumbuluile bahele bilumbu biabo, neasungile bana ba badi bakengela bintu, neatshibule mukengeshi wabo bituha bituha.

Ekesode 14:31

Bena Isalele bakatangila bualu bukole buakenzela Yehowa Bena Ejipitu, ne bantu bonso bakatshina Yehowa, bakeyemena Yehowa ne muntu wandi Mose.

Nsumuinu 16:10

Dikosa dia bualu dia tshijila didi ku mishiku ya mukelenge; mukana muandi kamuena mushiha mikenji hakoseye nsambu.

Nsumuinu 24:21

Muanʼanyi, tshina Yehowa ne mukelenge kabidi; kubuelakana ne babueshakanyi ba malu.

Nsumuinu 25:2

Butumbi bua Nzambi nkusokoka muanda, kadi butumbi bua bakelenge nkukononona muanda.

Nsumuinu 8:15

Bakelenge badi bakokesha bua bualu buanyi, ne bakokeshi badi balumbulula ne kulumbulula kuakane.

Muambi 7:19

Lungenyi ludi luvuisha bukole kudi muena meji, buhite bua bileba dikumi mu musoko.

Yeshaya 28:6

Neikale nyuma wa kulumbulula kuakane kudi muntu udi mushikame mu tshilumbuluidi, neikale bukole kudi bantu badi bihata bena nvita badi bafika ku tshibuelelu tshia musoko.

Danyele 1:17

Nzambi wakaha bansongalume aba banai meji ne lungenyi mu diyila dia mikanda yonso ne mu meji makuabo; ne Danyele wakadi ne lungenyi lua kujingulula bikena kumona bionso ne bilota.

Danyele 2:21

Yeye udi ukudimuna bikondo ne bidimu; udi umusha bakelenge, udi ujadika bakelenge; udi ufila meji kudi bena meji, ne lungenyi kudi badi bamanye mua kujingulula malu.

Danyele 2:47

Mukelenge wakambila Danyele ne, Bulelela, Nzambi webe udi Nzambi wa nzambi yonso, Mukelenge wa bakelenge, musokolodi wa malu masokoka, bualu bua wewe wakumanya mua kusokolola bualu ebu busokoka.

Danyele 5:11

Muntu mukuabo udiku mu bukelenge buebe udi ne nyuma wa nzambi ya tshijila munda muandi. Mu matuku a tatuʼebe bakamusangana muikale ne munya, dijingulula dia malu, ne meji, bu meji a nzambi yetu mene. Mukelenge Nebukadenesâ, tatuʼebe mene, wakamuteka kahita ka batempi ba mbuku, bamanyi ba malu a mitoto, Bena Kasada ne bena meji bakuabo.

1 Korente 1:24

kadi kudi badi babikidibue, ne Bena Yuda ne Bena Gelika, Kilisto mbukole bua Nzambi ne meshi a Nzambi.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

Kolose 2:2

bua mitshima yabo isambibue, bobo basuikakasha ku luse tô ne ku bubanshi buonso bua kumanya kujalama kua dijingulula diabo, bua bobo bamanye bimpe bualu bua Nzambi buakadi busokoka, nKilisto mene.

Kolose 2:3

Munda muandi mudi musokoka bibutshidibue bionso bia meshi ne bia lungenyi.

Yoshua 4:14

Dituku adi Yehowa wakabandisha Yoshua ku mesu kua Bena Isalele bonso; bobo bakamutshina bu muakatshinabo Mose matuku onso a muoyo wandi.

1 Samuele 12:18

Nunku Samuele wakabikila Yehowa, ne Yehowa wakatuma nvula ne mikungulu dituku adi; bantu bonso bakatamba kutshina Yehowa ne Samuele.