1 Bakalenga 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² ka nakenza bu mudi dî diebe: nakukuha mutshima muakane wa lungenyi, nunku kakuakadi muntu bu wewe diambedi ne mukuabo kena ulonda ku nyima kuebe bu wewe.

MUKANDA WA MYIDI MUKULU

¹² Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

1 Bakalenga 3:12 ပူးပေါင်းရင်းမြစ်များ

1 Bakalenga 2:6

Wenze bu mudi lungenyi luebe; kuitabushi bua mutu wandi udi ne nsuki mitoke tô ubuele mu Muaba wa Bafue ne ditalala.

1 Bakalenga 2:9

Kadi kumubadi bu muntu udi kayi ne bualu, bualu bua wewe udi muena lungenyi; neumanye bualu bûdi nʼabu mbua kumuenzela: wewe neutume mutu wandi udi ne nsuki mitoke tô mu Muaba wa Bafue ne mashi.

1 Bakalenga 3:28

Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

1 Bakalenga 5:12

Yehowa wakaha Solomo lungenyi bu muakamulayeye; ditalala diakadi hankatshi ha Hilama ne Solomo, bubidi buabo bakahunga tshihungidi.

1 Bakalenga 5:9

Bantu banyi nebahueke nʼai ku Lebanona tô ne ku mai manene, nenyisuikishe mu bisumbu, bua kuya nʼai ha mai manene tô ne ku muaba ûdi unsunguila; neyisuludibueku ne wewe neuyangate; wewe nenshikishe bualu bundi musue hawadisha ba mu nsubu wanyi bia kudia.

1 Kulondolola 29:25

Yehowa wakatamba kudiundisha Solomo ku mpala kua Bena Isalele bonso, wakamuambika butumbi buakatamba bua bakelenge bonso ba mu Isalele bakadi badianjila ku mpala kuandi.

2 Kulondolola 2:12

Hulama wakamba kabidi ne, Yehowa, Nzambi wa Isalele, ikale ne disanka; yeye nguakafuka diulu ne buloba, wakaha Davidi muana wa lungenyi udi ne meji makane ne mutshima muimpe bua kuibakileye dina dia Yehowa nsubu ne bukelenge buandi nsubu.

Nehemya 13:26

Solomo, mukelenge wa Bena Isalele, kakenza bibi mu malu â, anyi? Kadi munkatshi mua bisamba bia bungi bia bantu kamuakadi muikale mukelenge bu yeye, wakadi munangibue kudi Nzambi wandi, ne Nzambi wakamuvuisha mukelenge ku mutu kua Bena Isalele bonso; kadi bakashi ba bende bakamuenzesha yeye mene malu mabi.

Misambu 10:17

Yehowa, wewe wakunvua kulomba kua badi ne mitshima mihuekele; udi ujadika mitshima yabo, udi uteleja matshu ebe kudibo.

Nsumuinu 2:6

Bualu bua Yehowa udi uha bantu meji; mukana muandi mudi muhatuka lungenyi ne dijingulula dia mianda.

Muambi 1:13

Nakateka mutshima wanyi ne meji anyi mu kukeba ne mu kujingulula kua malu onso adi menjibue muinshi mua diulu; eu mmudimu wa lutatu wakuha Nzambi ba ha buloba bua kubadisha nʼau.

Muambi 1:16

Nakamba mu mutshima wanyi ne, Nakuheta lungenyi lua bungi, muhite bonso bakadi ku mpala kuanyi mu Yelushalema; bulelela, mutshima wanyi wakajingulula meji a bungi ne lungenyi lua bungi.

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

Danyele 1:17

Nzambi wakaha bansongalume aba banai meji ne lungenyi mu diyila dia mikanda yonso ne mu meji makuabo; ne Danyele wakadi ne lungenyi lua kujingulula bikena kumona bionso ne bilota.

Matayi 12:42

Mu dituku dia kulumbulula mukelenge mukashi wa ku sude neabike ne bantu ba tshikondo etshi, neabahishe; bua yeye wakalua biandi kunfudilu kua buloba bua kunvua lungenyi lua Solomo; monai, udi mutambe Solomo udi aha.

Luke 21:15

meme nenuhe mukana ne lungenyi bidi badi nʼenu lukuna kabai bamanye mua kutantamana ne mua kukudimuna dî.

Dielulula 34:9

Yoshua, muana wa Nuna, wakadi ne lungenyi munda muandi tente bualu bua Mose wakamutentekasha bianza biandi; ne Bena Isalele bakunvua di diandi, bakenza bu muakambila Yehowa Mose.

Kolose 2:3

Munda muandi mudi musokoka bibutshidibue bionso bia meshi ne bia lungenyi.