1 Bakalenga 22:39 - Mukanda wa Nzambi Dihungila Dikulukulu ne Dihungila Dihia-dihia 2003

³⁹ Bienzedi bia Ahaba bikuabo biakenzeye ne nsubu wa mibanga wakaseye ne misoko yonso yakaseye kabiena bifunda mu mukanda wa kulondolola kua malu a hakelenge ba Isalele, anyi?

MUKANDA WA MYIDI MUKULU

³⁹ Malu makuabu a Akabe, mbaafunde mumukanda udibu babikila ne: Malu adi bakalenga ba bena Izrayele benza. Mbafundemu kabidi bionsu bivuaye muenze: nzubu muimpe wa bukalenga uvuaye muase mulengeje ne mibanga, ne bimenga bionsu bivuaye muibake.

1 Bakalenga 22:39 ပူးပေါင်းရင်းမြစ်များ

1 Bakalenga 10:18

Mukelenge Wakenza nkuasa munene e wa bukelenge wa mibanga, wakalamika tshiamu tshia or ha nyima nʼandi honso.

1 Bakalenga 10:22

Bualu bua mukelenge wakadi ne matu akenda ha mutu ha mai manene ku Tâshishi hohamue ne matu a Hilama: akaya ku Tâshishi musangu umue mu bidimu bisatu, akafumaku ne or, argent ne mibanga ne nkima ne kaiba.

1 Bakalenga 14:19

Bienzedibia Yalobama bikuabo, muakaluanganeye ne muakakokesheye bidi bifunda mu mukanda wa kulondolola kua malu a bakelenge ba Isalele.

1 Bakalenga 15:23

Bienzedi bia Asa bikuabo biakenzeye ne bukole buandi buonso ne malu onso akenzeye ne misoko yakaseye kabiena bifunda mu mukanda wa kulondolola kua malu a bakelenge ba Yuda, anyi? Hakadiye muntu mununu, disama diakamukuata ku makasa andi.

1 Bakalenga 15:31

Bienzedi bia Nadaba bikuabo ne malu onso akenzeye kabiena bifunda mu mukanda wa kulondolola kua malu a bakelenge ba Isalele, anyi?

1 Bakalenga 16:20

Bienzedi bia Zimeli bikuabo biakenzeye, ne tshitungu tshiakatungileye, kabiena bifunda mu mukanda wa kulondolola kua malu a bakelenge ba Isalele, anyi?

1 Bakalenga 16:27

Bienzedi bia Omeli bikuabo biakenzeye ne bukole buakadiye nʼabu kabiena bifunda mu mukanda wa kulondolola kua malu a bakelenge ba Isalele, anyi?

1 Bakalenga 16:5

Bienzedi bia Bâsha bikuabo ne malu onso akenzeye ne bukole buandi kabiena bifunda mu mukanda wa kulondolola kua malu a bakelenge ba Isalele, anyi?

1 Bakalenga 22:40

Ahaba wakalala tulu ne bankambua bandi. Ahazaya, muanʼandi, wakakokesha mu muaba wandi.

2 Bakalenga 1:18

Bienzedi bia Ahazaya bikuabo biakenzeye kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 15:15

Bienzedi bia Shaluma bikuabo ne tshifufu tshiakeleye bidi bifunda mu mukanda wa kulondolola kua malu a bakelenge ba Isalele.

Misambu 45:8

Bivualu biebe bionso bidi binunka muhuya wa myrrhe, wa aloes ne wa casse. Tshiona tshia bisanji tshidi tshifuma mu mbalasa ya mibanga tshidi tshikusankisha.

Yezekiyele 27:15

Bantu ba ku Dedana bakenduluka nʼebe mushinga; bantu ba mu maloba mangi a ku muelelu wa mai bakakukuatshila mudimu bu bangendʼa mushinga; bakalua kûdi ne milambu ya mibanga ne mitshi ya ébéne.

Yezekiyele 27:6

Bakasonga nkaya yebe ku mitshi ya telebinta ya ku Bashana; bakenza biendedi biebe ne mabaya a nsanga ya ku bisanga bia Kitima, mikale ne mibanga milamikaku.

Amosa 3:15

Nenshihe nsubu udibo balala mu tshikondo tshia mashika, ne nsubu udibo balala mu tshikondo tshia luya; nsubu yakalengeshabo ne mibanga neyinyanguke; ne nsubu mikuabo ya bungi neyifue tshiendelele. Yehowa udi wamba di edi.

Amosa 6:4

Badi balala ha malalu a mibanga, ne badi badiolola ha matanda; badi badia bana ba mikoko ba mu tshisumbu tshia mikoko, ne bana ba ngombe ba mu tshikumbi.