1 Bakalenga 21:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

MUKANDA WA MYIDI MUKULU

²⁰ Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

1 Bakalenga 21:20 ပူးပေါင်းရင်းမြစ်များ

2 Samuele 11:27

Hakashika madilu, Davidi wakatuma bantu, bakalua nʼandi ku nsubu kuandi; yeye wakalua mukashi wandi, wakamulelela muana. Kadi bualu ebu buakenza Davidi kabuakasankisha mutshima wa Yehowa.

1 Bakalenga 16:30

Ahaba, muana wa Omeli, Wakenza malu mabi ku mesu kua Yehowa akahita a bonso bakadi ku mpala kuandi bubi.

1 Bakalenga 18:17

Hakamona Ahaba Eliya, yeye wakamuambila ne, Ka wewe mutatshishi wa Bena Isalele, anyi?

1 Bakalenga 21:25

Kakuakadi muntu mukuabo bu Ahaba wakadihanyisha bua kuenzeye malu mabi ku mesu kua Yehowa, wakadi musonsolodibue kudi Izebele, mukashi wandi.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

2 Bakalenga 17:17

Bakahitshisha bana bakalelabo, balume ne bakashi, mu kahia, bakatempa mbuku, bakabandangana buloshi, bakadihanyisha bua kuenzabo malu mabi ku mesu kua Yehowa, bua kumufuisha nʼau tshiji.

2 Bakalenga 21:2

Wakenza malu mabi ku mesu kua Yehowa, wakalonda malu a bundu a bantu ba mu bisamba abi biakihatabo kudi Yehowa ku mesu kua Bena Isalele.

2 Kulondolola 18:17

Mukelenge wa Isalele wakambila Yehoshafata ne, Tshiakukuambila ne, Yeye katu Wamba malu mimpe bualu buanyi, kadi anu malu mabi, anyi?

2 Kulondolola 18:7

Mukelenge wa Isalele wakakudimuna Yehoshafata ne, Muprofete mukuabo udiku; kadi ndi nʼandi lukuna, bualu bua yeye katu wamba malu mimpe bualu buanyi, anu malu mabi; yeye mene udi Mikaya, muana wa Yimela. Yehoshafata wakamuambila ne, Mukelenge kambi nunku nansha.

2 Kulondolola 33:6

Yeye wakahitshisha bana bandi mu kahia mu tshibanda tshia muana wa Hinoma; wakatempa matempu, wakatendelela bakishi, wakahaka manga, wakasangisha dî ne batempeshanganyi ba mbuku ne bena buloshi; yeye wakenza malu mabi a bungi ku mesu kua Yehowa bua kumufuisha nʼau tshiji.

Yeshaya 50:1

Yehowa udi ukonka ne, Mukanda wa kushiha kua dibaka unakuha mamu webe hanakumûmusha udi hanyi? Nakukuhana kudi musombeshanganyi kai? Mona, bakukuhana bua malu mabi ebe, ne bua mantombokela ebe bakûmusha mamu webe.

Yeshaya 52:3

Bua Yehowa udi wamba dî ne, Bakanuhana tshianana, nebanuhikule kabayi banuhikula ne argent.

Yirmeya 38:4

Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Yezekiyele 14:4

Nunku akula nʼabo, ubambile ne, Mukelenge Yehowa udi wamba ne, Muntu yonso wa mu tshisamba tshia Bena Isalele wajadika mpingu yandi mu mutshima wandi, waditekela tshilenduishi ku mpala kuandi bua kudibuesha mu bubi, bialueye kudi muprofete bua yeye amulombele lungenyi, meme Yehowa nkayanyi nemmukudimune dî bu mudi bungi bua mpingu yandi,

Amosa 5:10

Badi ne muntu udi ubabela ku tshibuelelu tshia musoko lukuna, badi bahetula muntu udi wamba mei malelela.

Marke 12:12

Hakunvuabo dî idi dia Yesu, bakasua kumukuata, kadi bakatshina bantu; bakamanya ne, Buakueleleye lusumuinu etu mbualu buetu; bakamushia, bakaya.

Rome 7:14

Tudi bamanye ne, Mikenshi idi ya nyuma, kadi meme ndi ne mutshima wa kulonda malu mabi a mubidi, ndi muhanyibue ku bubi.

Ngalate 4:16

Nunku nakulua muena lukuna wenu bualu bua ndi nuambila bualu bulelela, anyi?

Efeze 4:19

Kabena bamanye mua kufua bundu kabidi, bakadifila ku masandi bua kuenzabo malu a bundu onso ne lukuka lukole.

Didimanyisha 11:10

Ne badi bikala ha buloba badi basanka bua bualu buabo, ne badi banaya; nebatuminangane bintu bia disanka, bualu bua baprofete aba babidi bakakengesha badi bikala ha buloba.