1 Bakalenga 2:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bukuabo kabidi, udi mumanye buakangenzela Yoaba, muana wa Seluya, ne bu muakenzeleye tupitene tubidi tua masalayi a Isalele, Abinê, muana wa Nê, ne Amasa, muana wa Yetê, bakashiheye: nunku wakamatshisha mashi a nvita hatuakadi ne ditalala, wakalaba mashi a nvita ku mukaba wakadi mu tshifuka tshiandi ne ku bisabata biakadi ku makasa andi.

MUKANDA WA MYIDI MUKULU

⁵ “Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

1 Bakalenga 2:5 ပူးပေါင်းရင်းမြစ်များ

2 Samuele 17:25

Abashaloma wakateka Amasa ku mutu kua masalayi andi mu muaba wa Yoaba. Amasa wakadi muana wa muntu dina diandi Yitela, Muena Isalele, wakabuela kudi Abigayila, muana wa Nahasha, muanʼabo mukashi ne Seluya, mamu wa Yoaba.

2 Samuele 18:12

Muntu au wakambila Yoaba ne, Nansha wewe mumpe binunu dikumi bia argent mu tshianza tshianyi, tshiakadi kulenga tshianza tshianyi hamʼbidi ha muana wa mukelenge; bualu bua mukelenge wakanuambila ne Abishai ne Itai mu matshu etu ne, Dimukai, kanulengi nsongalume Abashaloma tshianza.

2 Samuele 18:14

Yoaba wakamba ne, Tshiena mua kujanguluka nʼebe bua bualu ebu. Yeye wakangata mikete isatu mu tshianza tshiandi, wakayasa ha muoyo wa Abashaloma hakadiye mulembelele mutshikale ne muoyo munkatshi mua matamba a mutshi.

2 Samuele 18:5

Mukelenge wakambila Yoaba ne Abishai ne Itai ne, Kanuenzedi nsongalume Abashaloma bibi bua bualu buanyi. Bantu bonso bakunvua mukenji wakelela mukelenge tupitene tuonso bualu bua Abashaloma.

2 Samuele 2:13

Yoaba, muana wa Seluya, ne bantu bakuabo ba Davidi bakaluhuka, bakasambakena nʼabo hehi ne dishiha dia mu Gibeona; bakashikama hanshi, bakuabo ku muelelu umue wa dishiha, bakuabo ku muelelu mukuabo wa dishiha.

2 Samuele 2:18

Bana balume basatu ba Seluya bakadiku, mena abo Yoaba ne Abishai ne Asahele: Asahele wakadi ne makasa mahehele bu ngulungu.

2 Samuele 20:10

Kadi Amasa kakadimuka bua muele wakadi mu tshianza tshia Yoaba; yeye wakamutua muele mu mbale, ne mala andi akahatuka hanshi; yeye kakamutua tshiakabidi, wakafua. Yoaba ne muanʼabo Abishai bakalonda Sheba, muana wa Bikili.

2 Samuele 3:27

Hakahingana Abinê ku Hebelone, Yoaba wakaya nʼandi ku tshibi tshia musoko ha nkayandi bua kuyikileye nʼandi talalâ; wakamutua muele muinshi mua mbale yandi bualu bua lukuna lua mashi a Asahele, muakunyʼandi; yeye wakafua.

2 Samuele 3:39

Ndi mukelenge muedibue manyi ha mutu kadi bualu ebu budi buntekesha lelu; bantu aba, bana ba Seluya, badi bampite bukole; Yehowa afute muenji wa malu mabi bu mudi bubi buandi.

1 Bakalenga 1:7

Yeye wakahunga dî ne Yoaba, muana wa Seluya, ne Ebeyatâ muakuidi; bobo bakalonda Adoniya, bakanutatshisha.

1 Bakalenga 2:32

Yehowa neahingishe mashi andi ha mutu nʼandi, bualu bua yeye wakashiha bantu babidi bakadi bamuhita yeye buakane; yeye wakabashiha ne muele wa nvita; tatu wanyi Davidi kakamanya bualu ebu; mena abo akadi Abinê, muana wa Nê, kapitene ka masalayi a Bena Isalele, ne Amasa, muana wa Yetê, kapitene ka masalayi a Bena Yuda.

Yirmeya 2:34

Bualu bukuabo kabidi, badi basangana mashi a mioyo ya bahele badi kabayi ne bilumbu mu bivualu biebe. Kuena mubasangane bahanda nsubu bua kubuelamu, kadi wakubasangana bahidia kuenza malu au onso.

Yirmeya 6:15

Bakakuatshika bundu hakadibo benze malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nehalenduke.

Matayi 3:4

Yone wakadi biandi ne tshikowelu tshiandi tshia mioso ya kamelu, wakadi kabidi ne mukaba wa tshiseba mu tshimono tshiandi; bia kudia biandi biakadi mikumbi ne buitshi.

Dielulula 27:24

Muntu yonso udi ukuma mukuabo mu musokoko udi ne mulau. Bantu bonso nebakudimune dî ne, Amen.