1 Bakalenga 2:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ bua Yehowa kujadikeye di diandi diakangambileye ne, Bikala bana bebe badimuke mu nshila yabo, benda ku mpala kuanyi mu bulelela ne mitshima yabo yonso ne mioyo yabo yonso, hashishe, wewe kuena uhanga muntu wa kushikama mu nkuasa wa bukelenge wa Isalele tshiendelele.

MUKANDA WA MYIDI MUKULU

⁴ Maweja-Nangila neakumbaje bionsu bivuaye mumane kundaya, mungambile ne: “Pikala ndelanganyi yebe mingitabe, mienze mundi musue, nendamate mu bulelela, kabidi ne muoyi mujima, nansha wewe mumane kufua, misangu yonsu muntu wa ku ndelanganyi yebe neashale mukalenga wa bena Izrayele.”

1 Bakalenga 2:4 ပူးပေါင်းရင်းမြစ်များ

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

2 Samuele 7:25

Nunku Yehowa Nzambi, dî diwakambila muntu webe bualu buandi ne bua tshiota tshiandi, udijadike tshiendelele; wenze bu muwakamba.

1 Bakalenga 1:48

Mukelenge wakamba kabidi ne, Nunku disanka dinene dikale kudi Yehowa, Nzambi wa Isalele, wakumpa umue bua kushikameye mu nkuasa wanyi wa bukelenge lelu, mesu anyi atangile bualu ebu.

1 Bakalenga 11:36

Nempe muanʼandi tshisamba tshimue, bua Davidi, muntu wanyi ikale ne muinda utema ku mesu kuanyi mu Yelushalema matuku onso, musoko unakasungula bua kutekamu dina dianyi.

1 Bakalenga 3:14

Biwenda mu nshila yanyi, biwatumikila mei anyi ne mikenji yanyi bu muakenda tatu webe Davidi, nenkuleheshile matuku ebe a bungi.

1 Bakalenga 3:3

Solomo wakananga Yehowa, wakenda mu mikenji ya Davidi tatu wandi; kadi anu bualu bumue, yeye wakashiha nyama, wakosha musenga wa manananshi ha mutu ha mikuna.

1 Bakalenga 6:12

Bua nsubu eu ûdi wibaka, biwenda mu nshila yanyi, biwenza mei anyi, biwatumikila mikenji yanyi yonso, nunku nenjadike dî dianyi kûdi, diakambila Davidi, tatu webe.

1 Bakalenga 8:23

wakamba ne, Yehowa, Nzambi wa Isalele, kakuena nzambi mukuabo bu wewe mu diulu anyi hanshi ha buloba: utu wamana bihungidi ne luse lujalame kudi bantu bebe badi benda ku mpala kuebe ne mitshima yabo yonso;

1 Bakalenga 8:25

Ka, Yehowa, Nzambi wa Isalele, ujadike ne muntu webe Davidi tatu wanyi mulayi uwakamuha ne, Wewe kuena uhanga muntu wa kushikameye ku mesu kuanyi mu nkuasa wa bukelenge wa Isalele; bikala bana bebe badimuke mu nshila yabo ku mpala kuanyi bua kuendabo bu muwakuenda ku mpala kuanyi.

1 Bakalenga 9:5

nenjadike nkuasa wa bukelenge buebe ku mutu kua Bena Isalele tshiendelele, bu munakalaya Davidi, tatu webe, hanakamuambila ne, Wewe kuena uhanga muntu wa kushikameye mu nkuasa wa bukelenge wa Isalele tshiendelele.

2 Bakalenga 20:3

Yehowa, ndi nkusengelela ne, Uvuluke bu munakuenda ku mpala kuebe mu bushuwa ne mutshima mutoke, nakuenza malu mimpe ku mesu kuebe. Hezikiya wakatamba kudila.

2 Bakalenga 23:25

Kakuakadi mukelenge mukuabo ku mpala kuandi wakakudimuna mutshima wandi ne muoyo wandi ne bukole buandi kudi Yehowa bua kutumikileye mikenji yonso ya Mose bu muakenzeye; kakuakadi mukelenge mukuabo wakalonda ku nyima kuandi bu yeye.

2 Bakalenga 23:3

Mukelenge wakimana hehi ne dikunshi dia mu nsubu, wakahunga tshihungidi ku mpala kua Yehowa bua kuendeye ku mpala kua Yehowa ne bua kutumikila mikenji yandi ne mei andi ne mikandu yandi ne mutshima wandi wonso ne muoyo wandi wonso, ne hua kuenzeye mei onso a tshihungidi akadi mafunda mu mukanda eu; bantu bonso bakajadika tshihungidi.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

2 Kulondolola 17:3

Yehowa wakadi ne Yehoshafata bualu bua yeye wakenda mu nshila ya diambedi ya Davidi, nkambua wandi, kakakeba nzambi ya Bâla,

2 Kulondolola 6:16

Nunku Yehowa, Nzambi wa Isalele, ushikishe dî diwakalaya muntu webe Davidi tatu wanyi ne, Kuena uhanga muntu mulume wa kushikama ku mpala kuanyi mu nkuasa wa bukelenge bua Isalele, biadimuke bana bebe mu nshila yabo bua kuendabo mu mikenji yanyi bu muwakuenda ku mpala kuanyi.

2 Kulondolola 7:18

nenjadike nkuasa wa bukelenge buebe, bu munakahunga tshihungidi ne Davidi tatuʼebe ne, Kuena uhanga muntu wa kukokesha Bena Isalele.

Misambu 119:9

Nsongalume nealengeshe bienzedi biandi munyi? Adimuke biandi bu mudi dî diebe diamba.

Misambu 37:22

Bualu bua badi Yehowa uvudishila disanka nebahiane buloba, ne badiye wela mulau nebajimishibue.

Misambu 37:9

Bualu bua benji ba malu mabi nebabutudibue; kadi badi bindila Yehowa nebahiane buloba.

Misambu 39:1

Nakamba ne, Nendame mundi ngenda mu nshila yanyi, bua tshienji bibi ku ludimi luanyi. Nenteke tshintu tshia kujibika nʼatshi mukana muanyi, tô ne hatshidi muntu mubi ku mpala kuanyi.

Yirmeya 33:17

Bualu bua Yehowa udi wamba ne, Davidi kena uhanga kuikala ne muana mulume bua kushikameye mu nkuasa wa bukelenge wa Isalele tshiendelele;

Lewitiki 26:3

Binualonda mei, anyi binuatumikila mikenji yanyi, binuayenza,

Zekâya 14:2

Bualu bua nensangishe ba mu bisamba bionso bua kuluanganabo nvita ne Bena Yelushalema; nebanyenge musoko, nebahaule bia mu nsubu, nebakuate bakashi ku bukole; tshituha tshia hankatshi tshia bena musoko netshibuele mu buhika, kadi bantu hadi bashala kabena bumushibua mu musoko.

Matayi 22:37

Yesu wakamuambila ne, Sua Mukelenge Nzambi webe ne mutshima webe wonso ne muoyo webe wonso ne lungenyi luebe luonso.

Luke 1:6

Bubidi buabo bakadi bakane ku mesu kua Nzambi, bakadi balonda mikenshi yonso ya Mukelenge ne mei andi, kabakadi ne bualu.

Dielulula 10:12

Katataka, nuenu Bena Isalele, Yehowa, Nzambi wenu, udi musue nuenu nuenze malu kai? Mbua kutshina Yehowa, Nzambi wenu, ne kuenda mu nshila yandi yonso, ne bua kumusua, ne bua kuenzela Yehowa, Nzambi wenu, mudimu ne mitshima yenu yonso ne bukole buenu buonso,

Dielulula 11:13

Binuateleja matshu bimpe ku mikenji inakunuambila lelu, bua kusua Yehowa, Nzambi wenu, ne kungenzela mudimu ne mitshima yenu yonso ne muoyo wenu wonso,

Dielulula 6:5

sua Yehowa, Nzambi webe, ne mutshima webe wonso, ne muoyo webe wonso, ne bukole buebe buonso.

Dielulula 7:12

Binunvua mikenji ei, binuayenza, hashishe Yehowa, Nzambi wenu, nênze tshihungidi ne luse biakalayeye batatu benu:

Yuda 1:24

Katataka kudi yeye udi mumanye mua kunulama bua nuenu kanulenduki, ne udi mua kunuteka ku mpala kua butumbi buandi ne disanka ditamba bunene, kanui ne tshilema;