1 Bakalenga 2:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Yehowa neahingishe mashi andi ha mutu nʼandi, bualu bua yeye wakashiha bantu babidi bakadi bamuhita yeye buakane; yeye wakabashiha ne muele wa nvita; tatu wanyi Davidi kakamanya bualu ebu; mena abo akadi Abinê, muana wa Nê, kapitene ka masalayi a Bena Isalele, ne Amasa, muana wa Yetê, kapitene ka masalayi a Bena Yuda.

MUKANDA WA MYIDI MUKULU

³² Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

1 Bakalenga 2:32 ပူးပေါင်းရင်းမြစ်များ

Genese 4:11

Katataka wewe wakuedibua mulau mufume ha buloba buakubulula mukana muabu bua kumina mashi a muakunyʼebe ku tshianza tshiebe,

Genese 42:22

Lubena wakabambila ne Tshiakanuambila ne, Kanuenzedi muana bualu bubi, kadi nuenu kanuakangunvuila, anyi? Nunku mashi andi adi ashala ha bilamba bienu.

Genese 9:6

Muntu yonso udi umatshisha mashi a munga muntu hanshi, nebamatshishe mashi andi hanshi, bualu bua Nzambi wakafuka bantu mu tshifuanyikishi tshiandi.

2 Samuele 1:16

Davidi wakamuambila ne, Mashi ebe ikale ha mutu hebe bualu bua mukana muebe muakukuhisha, muamba ne, Nakashiha muntu wakela Yehowa manyi ha mutu.

2 Samuele 17:25

Abashaloma wakateka Amasa ku mutu kua masalayi andi mu muaba wa Yoaba. Amasa wakadi muana wa muntu dina diandi Yitela, Muena Isalele, wakabuela kudi Abigayila, muana wa Nahasha, muanʼabo mukashi ne Seluya, mamu wa Yoaba.

2 Samuele 3:29

mashi andi ikale ha mutu ha Yoaba ne bonso ba mu nsubu wa tatu wandi; ne ba mu nsubu wa Yoaba bikale ne munda mashi, bikale bena nsudi anyi bendedi ba ku mitshi batebuke, bafue ku miele ya nvita, kabikadi ne bia kudia!

2 Samuele 3:37

Nunku bantu bandi bonso ne Bena Isalele bonso bakajingulula dituku adi ne, Mukelenge kakadi ne bualu bua kushiheye Abinê, muana wa Nê.

2 Samuele 3:39

Ndi mukelenge muedibue manyi ha mutu kadi bualu ebu budi buntekesha lelu; bantu aba, bana ba Seluya, badi bampite bukole; Yehowa afute muenji wa malu mabi bu mudi bubi buandi.

2 Samuele 4:11

Nunku halua bantu babi kundi bakashiha muntu muakane mulale mu nsubu muandi ha bulalu, bualu kabuena butambe kunkuata bua kusombuela mashi andi adi ha bianza bienu bua kunûmusha ha buloba, anyi?

1 Bakalenga 2:44

Mukelenge wakambila Shimei kabidi ne, Wewe udi mumanye malu mabi onso adi masokome mu mutshima webe awakenzela Davidi, tatu wanyi: nunku Yehowa neakudimune bubi buebe ha mutu hebe.

1 Bakalenga 2:5

Bualu bukuabo kabidi, udi mumanye buakangenzela Yoaba, muana wa Seluya, ne bu muakenzeleye tupitene tubidi tua masalayi a Isalele, Abinê, muana wa Nê, ne Amasa, muana wa Yetê, bakashiheye: nunku wakamatshisha mashi a nvita hatuakadi ne ditalala, wakalaba mashi a nvita ku mukaba wakadi mu tshifuka tshiandi ne ku bisabata biakadi ku makasa andi.

1 Bakalenga 8:32

unvue biebe mu diulu bua kulumbuluila bantu bebe; uhishe muntu mubi bua kuhingisha bualu buandi ha mutu nʼandi; uhingishe muntu udi kayi ne bualu, bua kumuhita ku buimpe buandi.

2 Kulondolola 21:13

kadi udi wenda mu nshila ya bakelenge ba Isalele, wakenzesha Bena Yuda ne ba mu Yelushalema malu a masandi bu muakenza ba mu nsubu wa Ahaba, ne bualu bua wewe wakashiha bana benu ba mu nsubu wa tatuʼebe bakadi bakuhita buakane;

2 Kulondolola 21:14

mona, Yehowa neatume tshihuhu tshikole kudi bantu bebe ne kudi bana bebe ne kudi bakashi bebe ne kudi bintu bionso biudi nʼabi;

Estere 1:19

Nunku biasua mukelenge kuela mukenji wandi, baufunde mu mikenji ya Bena Pelasa ne Bena Madai idibo kabayi bamanye mua kukudimuna ne, Washeti kalu ku mesu kua mukelenge Ahashawelosha kabidi tshiendelele; mukelenge afile muaba wandi wa bukelenge kudi mukuabo udi umuhita buakane.

Misambu 7:16

Bualu buandi bubi nebuhingane ha mutu handi mene, ne tshimbambila tshiandi netshihingane ha lubuyangala lua mutu wandi mene.

Misambu 7:17

Nensakidile Yehowa bu mudi buakane buandi, nengimbile dina dia Yehowa Mutambe Bunene wa mu diulu misambu ya kumutumbisha nʼai.

Yezekiyele 17:19

Nunku Mukelenge Yehowa udi wamba ne, Bu mundi meme ne muoyo, bua mutshihu wanyi wakahetuleye ne tshihungidi tshianyi tshiakashiheye, nemmukengeshe.

Dibadika 32:23

Ka dî binuahidia kuenza nunku, monai, nuakuenzela Yehowa bualu bubi, numanye bienu ne, Bualu bubi buenu nebunukuate bulelela.

Balombodi 9:24

bua bualu bubi buakenzeleye bana ba Yelubâla makumi muanda mutekete ne mashi abo kabidi bihingane ku mutu kua Abimeleke muanʼabo, nguakabashiha, ne ha mitu ha bena Shekeme bakamukolesha maboko bua yeye kubashiha.

Balombodi 9:57

Nzambi wakasombuela bena Shekeme kabidi bua malu mabi onso akenzabo; mulau wa Yotama, muana wa Yelubâla, wakabeleye wakalua ha mitu habo.

1 Samuele 15:28

Samuele wakamuambila ne, Yehowa wakahanda bukelenge bua Isalele buakadi kûdi lelu, wakabuha mukuenu udi ukuhita buakane.