1 Bakalenga 19:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi yeye nkayandi wakaya luendu lua dituku dimue mu tshihela, wakashikama hanshi muinshi mua mutshi wa genêt; wakalomba Nzambi bua kufueye, wamba ne, Kuakushika mpindiu, Yehowa angate muoyo wanyi, bualu bua meme tshiena muhite batatu banyi buakane.

MUKANDA WA MYIDI MUKULU

⁴ Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

1 Bakalenga 19:4 ပူးပေါင်းရင်းမြစ်များ

1 Bakalenga 13:14

Yeye wakalonda ku nyima kua muntu wa Nzambi, wakamusangana mushikame muinshi mua mutshi wa telebinta. Wakamuebesha ne. Wewe, muntu wa Nzambi, wakufuma mu Yuda, anyi? Yeye wakamukudimuna ne, Ka meme eu.

1 Bakalenga 19:3

Hakunvueye dî edi, wakajuka, wakanyema bua kusungileye muoyo wandi; hakafikeye ku Bê-sheba wa mu buloba bua Yuda, wakashiyaku muntu wandi.

1 Bakalenga 19:5

Wakalala tulu muinshi mua mutshi wa genêt: mona, muanjelo wakamulenga tshianza, wakamuambila ne, Juka biebe, udie.

2 Bakalenga 2:11

Hakatshidibo benda bayikila, monai, dikalu dia kahia ne tubalu tua kahia biakamueneka, biakabahandulula, ne Eliya wakabandishibua mu diulu mu nvunde.

Yobe 6:8

Nakadi kusua bua bualu bundi ndomba buenjibue, ne bua Nzambi itabushe bua kumpa muanda undi njinga!

Yobe 6:9

Nakadi kusua bua Nzambi ikale ne disanka bua kumbutula; bua yeye alekele kukanda tshianza tshiandi ne ahempe muonshi wa muoyo wanyi!

Yirmeya 20:9

Bingamba kabidi ne, Tshiena ntela dina diandi, ne tshiena ngambila bantu dî diandi kabidi, mu diba adi didi mu mutshima wanyi bu kahia kadi kosha munda mua mifuba yanyi; kudikanda kudi kuntonda, ne tshiena mua kuhuwa.

Amosa 6:2

Hitai tô ne ku Kalene, nutangile; umukaiku, nuye ku Hamata munene; hashishe, nuhueke tô ne ku Gata wa Bena Peleshete. Bobo badi bahita makelenge enu â buakane, anyi? Buloba buabo budi buhita buenu bunene, anyi?

Yona 4:3

Nunku Yehowa, ndi nkusengelela ne, Angata muoyo wanyi; bualu bua kufua kudi kuhita kushala ne muoyo buakane kundi.

Yona 4:8

Hashishe, hakabanda diba, Nzambi wakatuma luhehele lua munanga lua ku esete; munya wakosha Yona mu mutu bikole, yeye wakahungila, wakalomba Nzambi ne, Nfue bianyi; wamba kabidi ne, Kufua kudi kuhita kushala ne muoyo buakane kundi.

Nahume 3:8

No-amona eu, wakadi munkatshi mua mihasa ibidi ya Musulu, wakadi ne mai ku nseke yau yonso, wakadi ne mai manene bu lumbu ku mpala, ne mai makuabo bu lumbu ku nyima, udi umuhita buimpe, anyi?

Dibadika 11:15

Biwasua kutuenzela nunku, ndi nkusengelela ne, Unshihe ku tshianza tshiebe, binasangana luse ku mesu kuebe, bua tshitangidi dikenga dianyi nunku.

Matayi 6:26

Monai nyunyu ya mu diulu, kaitu yakuna maminu, kaitu yahuola, kaitu yasangisha bintu mu mayeba, kadi Tatu wenu udi mu diulu utu waidisha. Nuenu kanuena baitambe, anyi?

Yowanane 4:6

Dina dia mai dia Yakoba diakadihu. Luendu luakatonda Yesu, yeye wakashikama nunku kukala kua dina. Diba diakadi munda munya.

Rome 3:9

Nunku tumanye bishi? Tudi tubatamba buimpe, anyi? Nasha kakese. Bualu bua tuakudianjila kubanda Bena Yuda ne Bena Gelika kabidi ne, Buonso buenu nudi munshi mua bukokeshi bua bubi;