1 Bakalenga 18:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakadi Obadaya mu nshila, Eliya wakasangila nʼandi; yeye wakamumanya, wakatua mpala wandi hanshi, wakamba ne, Ka, wewe, mukelenge wanyi Eliya, anyi?

MUKANDA WA MYIDI MUKULU

⁷ Obadya ufika mu njila, diakamue kusambakenaye ne muambi Eliya. Obadya kumanya muambi Eliya. Kuinyikaye mutu panshi bikole kumpala kua muambi Eliya, umukonka ne: — Ewu mmukalenga wanyi Eliya anyi?

1 Bakalenga 18:7 ပူးပေါင်းရင်းမြစ်များ

Genese 18:12

Sala wakadi useka munda munda, wamba ne, Meme nakulua mukoke ne mukelenge wanyi muikale mununu kabidi, nengikale ne disanka, anyi?

Genese 18:2

Yeye wakabandisha mesu andi, wakatangila balume basatu bimane ku mpala kuandi, hakabatangileye, wakabika ku mbelu kuandi, wakaya lubilu bua kubakidila, wakabakukuila,

Genese 44:16

Yuda wakamba ne, Netuandamune mukelenge wetu dî manyi? Netuambe tshinyi? Netudibingishe munyi? Nzambi wakasokolola bubi bua bantu bebe, tangila, buonso buetu tudi bahika bebe, ne tuetu ne muntu wakasanganabo ne luhanza.

Genese 44:20

Tuetu tuakakudimuna mukelenge wetu di ne, Tudi ne tatu muntu mununu, ne muan etu mukuabo wakamulelabo ku bununu buandi utshidi mukese, muan abo mukuabo wa difu dimue wakafua, ne anu yeye muana umuehele kua mamu wandi udi mushale ne tatu wandi udi umunanga.

Genese 44:33

Nunku ndi nkutendekena ne, Witabushe bua muntu webe ashale kunoko bu muhika webe mu muaba wa nsongalume, ne nsongalume ahingane ne bana babo.

Genese 50:18

Bana babo bakaya kudiye kabidi bakafua mpala yabo hanshi ku mesu kuandi, bakamba ne, Mona, Buonso buetu tudi bahika bebe.

2 Samuele 19:18

Bakatuma buatu bunene bua kusambula ba mu nsubu wa mukelenge, ne bua kuenza nʼabu bu muakasueye. Hakasabuka mukelenge Yadene, Shimei, muana wa Gela, wakamukukuila.

1 Bakalenga 11:29

Mu matuku äu hakumuka Yalobama mu Yelushalema, Ahiya muprofete, Muena Shilo, wakamusangana mu nshila; Ahiya wakadi muluate tshilulu tshihia-tshihia; bubidi buabo bakadi ha nkayabo mu tshisuku.

1 Bakalenga 18:6

Nunku bakatahulula buloba munkatshi muabo, bobo bakayamu. Ahaba wakaya mu nshila umue nkayandi ne Obadaya wakaya mu nshila mukuabo nkayandi.

1 Bakalenga 18:8

Yeye wakamba ne, Ka meme eu; ya, wambile mukelenge webe ne, Eliya udiku.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Dibadika 12:11

Alona wakambila Mose ne, Mukelenge wanyi, kuteki bualu bubi kutudi, bualu bua tuetu tuakuenza buhote, tuakuenza bualu bubi.

Matayi 11:8

Nuakuyila bua kutangila tshintu kai? Bua kutangila muntu muluate bilulu binefuke, anyi? Badi baluata bilulu binefuke batu bikala mu nsubu ya banfumu.

Matayi 3:4

Yone wakadi biandi ne tshikowelu tshiandi tshia mioso ya kamelu, wakadi kabidi ne mukaba wa tshiseba mu tshimono tshiandi; bia kudia biandi biakadi mikumbi ne buitshi.

1 Samuele 20:41

Hakaya nsongalume, Davidi wakajuka ku muaba wandi wa ku luseke lua Sude, wakakuma mpala wandi hanshi, wakakukuila Yonatana misangu isatu, bakasangana mishiku, bakadilangana tô ne hakahita Davidi.