1 Bakalenga 18:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Eliya wakangata mabue dikumi ne abidi, bu bungi bua bisamba bia bana ba Yakoba, wakalelabo kudi Yehowa ne, Isalele ndina diebe.

MUKANDA WA MYIDI MUKULU

³¹ Kuangataye mabue dikumi ne abidi, bilondeshile bisamba dikumi ne bibidi bia ndelanganyi ya Yakobe. (Yakobe ewu ke uvua Maweja-Nangila muambile ne: “Kutuadija mpindiewu, nebakubikile ne: Izrayele.”)

1 Bakalenga 18:31 ပူးပေါင်းရင်းမြစ်များ

Genese 32:28

Yeye wakamuambila ne, Kababikidi dina diebe ne Yakoba kabidi bakubikile dina ne Isalele bualu bua wewe wakuluangana ne Nzambi ne bantu, wakahatula bukole.

Genese 32:29

Yakoba wakamukonka ne, Ungambile dina diebe Muntu wakamuebesha ne, Udi unkonkela dina dianyi tshinyi? Yeye wakamuvudishilaku disanka

Genese 33:20

Wakenzaku tshioshelu, wakatshidika dina ne, El-Elohe Isalele.

Genese 35:10

Nzambi wakamuambila ne, Dina diebe nYakoba, kabakubikidi ne Yakoba kabidi, nebakubikile ne, Isalele.

2 Bakalenga 17:34

Nunku tô ne ku dituku edi badi benza bu muakenzabo diambedi: Kabena batshina Yehowa, kabena batumikila mikandu ne mei ne mikenji biakambila Yehowa bana ba Yakoba bakidikeye ne, Bena Isalele.

Ezela 6:17

Hakajidilabo nsubu eu wa Nzambi bakafila milambu ya ngombe lukama ne bimpanga nkama ibidi ne bana ba mikoko nkama inai; bakafila milambu ya kubuikila nʼai mibi ya Bena Isalele bonso mpumbu ya mbushi dikumi ne ibidi bu bungi bua bisamba bia Bena Isalele.

Ekesode 24:4

Mose wakafunda mei onso a Yehowa mu mukanda, wakabika ne dinda dionso, wakasa tshioshelu kuinshi kua mukuna, ne mabue manene dikumi ne abidi bu bungi bua bisamba bia Bena Isalele.

Yeshaya 48:1

Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.

Yirmeya 31:1

Yehowa udi wamba ne, Mu tshikondo atshi nengikale Nzambi wa meku onso a mu Isalele, ne bobo nebikale bantu banyi.

Yezekiyele 47:13

Mukelenge Yehowa udi wamba ne, Ei idi mikalu ya buloba bunuabanyangana munkatshi mua bisamba dikumi ne bibidi bia Bena Isalele. Yosefe ikale ne bituha bibidi;

Efeze 2:20

Tudi tuibakibua ha mutu ha bapostolo ne baprofete, bu bishimikidi bia nsubu; Kilisto Yesu nkayandi udi dibue dinene dia ku ditumba dia nsubu;

Yoshua 4:20

Mabue au dikumi ne abidi akangatabo mu Yadene, Yoshua wakâjadika mu Gilegala.

Didimanyisha 21:12

Wakadi ne lumbu lunene ne lule; wakadi ne bibi dikumi ne bibidi, ne ku bibi banjelo dikumi ne babidi; ne mena mafundahu, adi mena a bisamba dikumi ne bibidi bia bana ba Isalele;