1 Bakalenga 16:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Wakasumba mukuna wa Samalea kudi Sheme ku ntalanta ibidi ya argent; wakasa musoko wa lumbu ha mutu ha mukuna, wakawidika Samalea bu dina dia muena mukuna Shemê.

MUKANDA WA MYIDI MUKULU

²⁴ Pashishe, kuyaye kusumba mukuna wa Samariya kudi Semere. Uvua muusumbe ku nkanu mitoke ya mushinga mukole binunu bisambombu. Omri kuasa tshimenga pa mukuna awu. Kuinyikaye tshimenga atshi dina dia Samariya, bilondeshile dina dia Semere, uvua muena mukuna awu.

1 Bakalenga 16:24 ပူးပေါင်းရင်းမြစ်များ

1 Bakalenga 13:32

Bualu bua mei a Yehowa akambeye bua tshioshelu tshia mu Betele ne bitendelelu bionso bidi ku mikuna ne mu misoko ya Samalea, bulelela, nênjibue.

1 Bakalenga 16:32

Wakenzela Bâla tshioshelu mu nsubu wa Bâla wakaseye mu Samalea.

1 Bakalenga 18:2

Eliya wakaya bua kudimuenesha kudi Ahaba. Tshiole tshiakatamba bukole mu Samalea.

1 Bakalenga 20:1

Bene-hadada, mukelenge wa Sulia, wakasangisha masalayi andi onso: bakelenge makumi asatu ne babidi bakadi nʼandi, ne tubalu ne makalu. Wakaya, wakatshintshimika musoko wa Samalea bua kûluisha.

1 Bakalenga 22:37

Nunku mukelenge wakafua, bakaya nʼandi mu Samalea; bakajika mukelenge mu Samalea.

2 Bakalenga 10:1

Ahaba wakadi ne bana balume makumi muanda mutekete mu Samalea. Yehu wakafundila bakadi ne bukokeshi mu Yizelele, bakulu bakadi badiundisha bana ba Ahaba, mikanda mu Samalea ne,

2 Bakalenga 15:13

Mu tshidimu tshia makumi asatu ne tshitema tshia bukelenge bua Uziya, mukelenge wa Yuda, Shaluma, muana wa Yabesha, wakabanga kukokesha; wakabakokesha mu Samalea ngondo umue.

2 Bakalenga 17:1

Mu tshidimu tshia dikumi ne bibidi bia bukelenge bua Ahaza, mukelenge wa Yuda, Hoshea, muana wa Ela, wakabanga kukokesha Bena Isalele mu Samalea; wakabakokesha bidimu tshitema.

2 Bakalenga 17:24

Mukelenge wa Ashû wakangata bantu ba mu Babulona ne ba mu Kuta ne ba mu Awa ne ba mu Hamata ne ba mu Sefâwayima, wakabateka mu misoko ya Samalea mu miaba ya Bena Isalele; bobo bakaheta misoko ya Samalea, bakashikamamu.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

Yirmeya 41:5

bantu makumi muanda mukulu bakafuma ku Shekeme, ku Shilo ne ku Samalea, bikale ne miedi yabo mibeya ne bilamba biabo bihandika, baditahe ne mputa kabidi, bakalua ne milambu ya bia kudia ne ya musenga wa manananshi mu Dianza biabo bua kubifila mu nsubu wa Yehowa.

Amosa 6:1

Mulau wikale kudi badi bashikame talalâ mu Siona bu badi kabayi ne bualu, ne kudi badi bashikame mu mukuna wa Samalea bu badi kabayi ne ntatu, bantu baneme ba munkatshi mua bisamba binene bia bantu, kudibo baya kudi Bena Isalele!

Mika 1:5

Bua kutomboka kua Bena Yakoba malu â onso adi alua, ne bua mibi ya tshisamba tshia Bena Isalele. Kutomboka kua Bena Yakoba ntshinyi? KanSamalea, anyi? Bubi bua Bena Yuda budi tshinyi? KanYelushalema, anyi?