1 Bakalenga 16:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku Zimeli wakashiha bonso ba mu nsubu wa Bâsha: bu mu dî dia Yehowa diakambeye mukana mua Yehu muprofete bualu bua Bâsha;

MUKANDA WA MYIDI MUKULU

¹² Nanku, Zimri uvua mubutule bena nzubu wa Basha bonsu, bu muvua muambi Yehu muambile bantu mu dina dia Maweja-Nangila.

1 Bakalenga 16:12 ပူးပေါင်းရင်းမြစ်များ

1 Bakalenga 14:18

Bena Isalele bonso bakamujika, bakamujinga bu muakadi dî dia Yehowa diakambeye mukana mua muprofete wandi Ahiya.

1 Bakalenga 15:16

Asa ne Bâsha, mukelenge wa Isalele, bakaluangana nvita matuku abo onso.

1 Bakalenga 16:1

Dî dia Yehowa diakalua kudi Yehu, muana wa Hanani, bualu bua Bâsha ne,

1 Bakalenga 16:3

nunku meme nembutule Bâsha ne bonso ba mu nsubu wandi: nenvuishe ba mu nsubu webe bu munakenzela ba mu nsubu wa Yalobama, muana wa Nebata.

1 Bakalenga 16:7

Dî dia Yehowa diakalua kudi muprofete wandi Yehu, muana wa Hanani, bualu bua Bâsha ne bua ba mu nsubu wandi, bua malu mabi akenzeye ku mesu kua Yehowa ne bu muakamufuisheye tshiji bu muakenza ba mu nsubu wa Yalobama; bua malu au yeye wakamushiha.

1 Bakalenga 17:16

Bukula abu kabuakashika ne tuanyi tua mu kasu katuakakeha bu muakadi dî dia Yehowa diakambeye mukana mua Eliya.

2 Bakalenga 14:25

Wakahingisha mukalu wa Isalele ku tshibi tshia ku Hamata tô ne ku dishiha dia mu Alabâ, bu mu dî dia Yehowa, Nzambi wa Isalele, diakambeye mukana mua muntu wandi Yona muprofete, muana wa Ambai wa mu Gata-hefê.

2 Kulondolola 10:15

Nunku mukelenge kakunvua dî dia bantu; bua bualu ebu buakafuma kudi Nzambi bua kujadika dî dia Yehowa diakambileye Yalobama, muana wa Nebata, mukana mua Ahiya, Muena Shiloa.

2 Kulondolola 19:2

Yehu, muana wa Hanani, mumonyi wa malu a Nzambi, wakaya kusangakena nʼandi, wakambila mukelenge Yehoshafata ne, Bûdi nʼabu mbua kukuatshisha bantu babi ne bua kunanga badi ne Yehowa lukuna, anyi? Bua bualu ebu Yehowa wakakulesha tshiji tshiandi.

2 Kulondolola 20:34

Bienzedi bikuabo bia Yehoshafata, bia kumudilu ne bia kunshikidilu, bidi bifunda mu mukanda wa kulondolola kua Yehu, muana wa Hanani, biakafundeye mu mukanda wa bakelenge ba Isalele.

Nsumuinu 26:6

Udi utuma dî ku tshianza tshia muhote, udi udikosa makasa andi, udi unua tshimbambila.