1 Bakalenga 15:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bene-hadada wakunvua dî dia mukelenge Asa; wakatuma tupitene tua masalayi andi bua kuluanganabo ne misoko ya Bena Isalele; yeye wakahana Iyona ne Dana ne Abele-bete-mâka, ne buloba buonso bua Kinelota ne buloba buonso bua Nafatale.

MUKANDA WA MYIDI MUKULU

²⁰ Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

1 Bakalenga 15:20 ပူးပေါင်းရင်းမြစ်များ

Genese 14:14

Hakunvua Abalama lumu ne, Bakaya ne muanʼetu, yeye wakaya ne bahika bandi bakadiye mueyemene bakadi baledibue mu nsubu muandi, nkama isatu ne dikumi ne muanda mukulu, wakabihata to ne ku Dana.

1 Bakalenga 12:29

Wakateka kamue mu Betele ne kakuabo mu Dana.

1 Bakalenga 20:1

Bene-hadada, mukelenge wa Sulia, wakasangisha masalayi andi onso: bakelenge makumi asatu ne babidi bakadi nʼandi, ne tubalu ne makalu. Wakaya, wakatshintshimika musoko wa Samalea bua kûluisha.

1 Bakalenga 20:34

Bene-hadada wakamuambila ne, Nenkuhingishile misoko yakanyenga tatu wanyi kuai tatu webe; wewe neudilongoluele misesu mu Damaseke, bu muakadilongoluela tatu wanyi mu Samalea. Ahaba wakamuambila ne, Nenkulekele bua tshihungidi etshi. Nunku wakahunga nʼandi tshihungidi, wakandekela.

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

Yoshua 11:2

ne kudi bakelenge bonso ba ku luseke lua nôde lua ku mikuna ne ba mu Alabâ ku luseke lua Sude wa Kinelota, ne mu bibanda ne ku mutu kua mikuna ya Dô ku luseke lua wesete,

Yoshua 12:3

ku Alabâ tô ne ku mai a Kinelota a ku esete tô ne ku mai a Alabâ, Dishiba dia Luehu mene, a ku esete mu nshila wa ku Bete-yishimota; ne ku luseke lua ku Sude, kuinshi kua mukuna wa Pisega;

Yoshua 19:39

Ebu mbuhianyi bua tshisamba tshia Bena Nafatale ku meku abo: bimenga ne misoko yabi.

Balombodi 18:29

Bakidika musoko eu dina ne, Dana, ndina dia Dana nkambua wabo, wakaledibua kudi Isalele; kadi dina dia musoko diakadi Layisha diambedi.