1 Bakalenga 15:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Tshihungidi tshikale hankatshi hetu nʼebe bu muakaditshi hankatshi ha tatu wanyi ne tatu webe; ndi nkutumina argent ne or; ya biebe, ushihe tshihungidi tshiwakahunga ne Bâsha, mukelenge wa Isalele, bua yeye Umuke kundi.

MUKANDA WA MYIDI MUKULU

¹⁹ “Tutue nebe ndondu bu muvua batatuetu batue. Ke pandi nkutumina tshiamu tshitoke tshia mushinga mukole ne tshiamu tshia mpawungi bua kukusankisha. Nanku, uye kushipa ndondu uuvua mutue ne Basha, mukalenga wa bena Izrayele, bua Basha umushe bena mvita bende badi mu buloba buanyi.”

1 Bakalenga 15:19 ပူးပေါင်းရင်းမြစ်များ

2 Samuele 21:2

Mukelenge wakabikila Bena Gibeona, wakayikila nʼabo. Bena Gibeona kabakadi ba mu bisamba bia Bena Isalele mene, bakadi ba mu tshisamba tshia Bena Amole; diambedi Bena Isalele bakahunga nʼabo tshihungidi, kadi Shaula wakakeba kubashiha bua lukunukunu biakadiye nʼalu kudi Bena Isalele ne Bena Yuda.

1 Bakalenga 15:16

Asa ne Bâsha, mukelenge wa Isalele, bakaluangana nvita matuku abo onso.

2 Bakalenga 18:15

Hezikiya wakamuha argent yonso yakadi mu nsubu wa Yehowa, ne bintu bionso bia mushinga mukole bia mu nsubu wa mukelenge.

2 Kulondolola 16:3

Tshihungidi tshidi hankatshi hetu bu muakaditshi hankatshi ha tatu wanyi ne tatu webe; mona, nakakutumina argent ne or; ya biebe, ushihe tshihungidi tshiwakahunga ne Bâsha, mukelenge wa Isalele, bua yeye Umuke kundi.

2 Kulondolola 16:7

Mu tshikondo atshi Hanani, mumonyi wa malu, wakalua kudi Asa, mukelenge wa Yuda, wakamuambila ne, Bualu bua wewe wakueyemena mukelenge wa Sulia, kuakueyemena Yehowa Nzambi webe, nunku bantu ba mukelenge wa Sulia bakahanduka mu bianza biebe.

2 Kulondolola 19:2

Yehu, muana wa Hanani, mumonyi wa malu a Nzambi, wakaya kusangakena nʼandi, wakambila mukelenge Yehoshafata ne, Bûdi nʼabu mbua kukuatshisha bantu babi ne bua kunanga badi ne Yehowa lukuna, anyi? Bua bualu ebu Yehowa wakakulesha tshiji tshiandi.

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Rome 1:31

bantu bakadi kabai ne meshi, bakadi kabai balama mei akahungabo, bakadi kabai ne dinanga bu dia bantu, bakadi kabai ne mitshima ya luse.

Rome 3:8

Munyi katuambi ne, Tuenze malu mabi bua kuvuisha malu mimpe (bu mudibo batushiminyina ne bu mudi bakuabo bamuangalasha lumu ne, Badi bamba)? Dihila diabo nedikale dijalama.