1 Bakalenga 14:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ kadi wewe wakutamba bantu bonso bakadi ku mpala kuebe bua kuenza bibi, wa kudienzela nzambi mikuabo, wakutula mpingu bua kunfuisha nʼai tshiji, wakungela meme ku nyima kuebe;

MUKANDA WA MYIDI MUKULU

⁹ Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

1 Bakalenga 14:9 ပူးပေါင်းရင်းမြစ်များ

1 Bakalenga 12:28

Nunku mukelenge wakakeba lungenyi, wakatula tuana tua ngombe tua or tubidi; wakambila bantu ne, Budi butamba bukole bua nuenu kuya ku Yelushalema; tangilai nzambi yenu, Bena Isalele, yakanuluhula mu buloba bua Ejipitu.

1 Bakalenga 14:16

Yeye nealekele Bena Isalele bua malu mabi akenza Yalobama ne bua malu mabi akenzesheye Bena Isalele.

1 Bakalenga 14:22

Bena Yuda bakenza malu mabi ku mesu kua Yehowa; bobo bakatamba kumufuisha mukau ne malu mabi akenzabo akahita a batatuʼabo bubi.

1 Bakalenga 15:29

Hakahinganeye mu bukelenge, yeye wakashiha bonso ba mu nsubu wa Yalobama; yeye kakashila Yalobama muntu umue ne muoyo; yeye wakabashiha bonso bu mu dî dia Yehowa diakambeye mukana mua muntu wandi Ahiya, Muena Shilo;

1 Bakalenga 15:30

bualu bua malu mabi akenza Yalobama ne akenzesheye Bena Isalele ne bua tshiji tshiakafuisheye Yehowa, Nzambi wa Isalele.

1 Bakalenga 15:34

Wakenza malu mabi ku mesu kua Yehowa; wakenda mu nshila wa Yalobama ne mu malu mabi akenzesheye Bena Isalele.

1 Bakalenga 16:25

Omeli Wakenza malu mabi ku mesu kua Yehowa; wakatamba bonso ba diambedi bubi.

1 Bakalenga 16:30

Ahaba, muana wa Omeli, Wakenza malu mabi ku mesu kua Yehowa akahita a bonso bakadi ku mpala kuandi bubi.

1 Bakalenga 16:31

Bualu ebu buakadi butekete ku mesu kuandi bua kuendeye mu malu mabi a Yalohama, muana wa Nebata: nunku wakabaka Izebele, muana wa bakashi wa Etebâla, mukelenge wa Bena Sidona, wakakuatshila Bâla mudimu, wakamutendelela.

1 Bakalenga 16:33

Ahaba wakalonda malu a Bashela kabidi; Ahaba wakahita bakelenge ba Isalele bonso bakadi ku mpala kuandi kuenza malu mabi a kuluisha nʼau Yehowa, Nzambi wa Isalele, tshiji.

2 Bakalenga 21:3

Wakasa bitendelelu bia ku mikuna biakashimbula Hezikiya, tatu wandi; wakashila Bâla ne Bashela tshioshelu bu muakenza Ahaba, mukelenge wa Isalele; wakatendelela bintu bionso bia mu diulu, wakabikuatshila mudimu.

2 Bakalenga 23:26

Kadi Yehowa kakandamuka ku bukole bua tshiji tshiandi tshikole tshiakadiye nʼatshi kudi Bena Yuda, bualu bua malu mabi onso akenza Manashe akamufuisheye nʼau tshiji.

2 Bakalenga 3:3

Kadi wakalamata malu mabi a Yalobama, muana wa Nebata, akenzesheye Bena Isalele, yeye kakâlekela nansha.

2 Kulondolola 11:15

yeye wakadisunguila bakuidi bua kufilabo milambu ha mutu ha mikuna ne milambu ya mpumbu ya mbushi ne ya bana ba ngombe yakeleye.

2 Kulondolola 33:6

Yeye wakahitshisha bana bandi mu kahia mu tshibanda tshia muana wa Hinoma; wakatempa matempu, wakatendelela bakishi, wakahaka manga, wakasangisha dî ne batempeshanganyi ba mbuku ne bena buloshi; yeye wakenza malu mabi a bungi ku mesu kua Yehowa bua kumufuisha nʼau tshiji.

Nehemya 9:25

Bakanyenga misoko ya ngumbu ne buloba buimpe ne nsubu miule tente ne bintu biakane ne mena a mai akumbulabo ne madimi a tumuma tukese ne madimi a olive ne mitshi ya mamuma ya bungi; nunku bakadia, bakukuta, bakalonda, bakasenena, bakasanka bua buimpe buebe bunene.

Nehemya 9:26

Kadi kabakatumikila dî diebe, bakakutombokela, bakakema mikenji yebe nyima, bakashiha baprofete bebe bakasua kubabela bua kukudimusha mitshima yabo kûdi kabidi; bakakutatshisha ne ntatu mikole.

Misambu 106:29

Nunku bakakuatshisha Yehowa tshiji bua bienzedi biabo, ne tshihuhu tshiakamueneka munkatshi muabo.

Misambu 50:17

Bualu bua wewe udi ukina diyisha, udi wimasha mei anyi ku nyima kuebe.

Misambu 78:40

Monai bungi bua misangu yakamutombokelabo mu tshihela, ne yakanyingalashabo mutshima wandi mu muaba wa hatuhu!

Misambu 78:56

Kadi bakamuteta ne bakatombokela Nzambi Mutambe Bunene wa mu diulu, kabakatumikila bimanyishilu biandi.

Misambu 78:58

Bualu bua bakamufikisha munda ne bitendelelu biabo bia ha mikuna, bakasonsola mukau munda muandi ne mpingu yabo misonga.

Ekesode 34:17

Kudisongidi mpingu.

Yirmeya 32:18

Wewe udi ufuila binunu ne binunu bia bantu luse, udi uhingasha difutu dia bubi bua batatu mu biadi bia bana bakalelabo badi babalonda. Wewe udi Nzambi munene ne wa bukole, Yehowa wa misumba ndina diebe.

Yirmeya 7:18

Bana badi bangula nkunyi, batatu babo badi batemesha kahia, bamamu babo badi benza mampa, badi balambila mukelenge mukashi wa mu diulu mikata, badi bahongoluela nzambi mikuabo milambu ya bia kunua bua kunkuatshisha tshiji.

Yirmeya 7:26

kadi kabaka-ngunvuila, kabakateleja matshu abo kundi; kadi bakakolesha tshishiku tshiabo, bakahita batatu babo bubi.

Yezekiyele 23:35

Bua malu â Mukelenge Yehowa udi wamba ne, Bualu bua wakumpua muoyo, wakungela nyima, nunku wewe neudituadile makenga adi alonda malu ebe a tshikama ne a masandi.

Yezekiyele 8:17

Nunku yeye wakankonka ne, Muana wa muntu, wakumona muanda eu, anyi? Mbualu bukese ku mesu kua ba mu tshisamba tshia Bena Yuda bua kuenzabo malu a bundu adibo benza mu muaba eu, anyi? Bua meji abo a nunku badi busha buloba tente ne ditomboka diabo, ne batshidi bankuatshisha tshiji. Tangila mudibo bateka ditamba ku mûlu abo!

Yezekiyele 8:3

Yeye wakolola tshinfuanyi tshia tshianza, wakankuata ku tshisuba tshia nsuki ya ku mutu kuanyi; Nyuma wakambisha mulu hankatshi ha buloba ne diulu, wakaya nʼanyi mu bikena kumona bia Nzambi to ne ku Yelushalema, ku tshibi tshia ku tshibuelelu tshia ku luseke lua node tshidi tshibuela mu tshiendelu tshia munda mua ntempelo, kuakadi luhingu lua mukau, ludi lusonsola mukau.

Lewitiki 19:4

Kanukudimunyi mitshima yenu kudi mpingu, kanudienzedi mpingu ne tshiamu tshiakengululabo mu kahia ndi Yehowa, Nzambi wenu.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Dielulula 32:21

Bakunfuisha mukau ne tshintu tshidi katshiyi Nzambi, bakunfikisha munda ne mpingu yabo ya hatuhu, meme nembafuishe mukau ne bantu ba hatuhu, meme nembafikishe munda ne tshisamba tshia bantu bahote.

Dielulula 9:24

Nuenu nutu nuahidia Yehowa katshia ku dituku dinakanumanya.

Balombodi 5:8

Bobo bakasungula nzambi mihia-mihia, ne hashishe nvita yakadi ku bibi bia musoko; bakamona ngabu anyi difuma munkatshi mua binunu makumi anai bia Bena Isalele, anyi?